سەرۆکێ حکومەتا هەرێما کوردستانێ ب هەلکەفتا ب دووماهی هاتنا پڕۆسەیا دەنگدانێ بۆ خولا شەشێ یا پەرلەمانێ کوردستانێ پەیامەك بەلاڤکر و ئه‌ڤه دەقێ وێ يه :
ب ناڤێ خودایێ مەزن و دلۆڤان
سوپاس بۆ خودایێ مەزن پرۆسەیا هەلبژارتنێن خولا شەشێ یا پەرلەمانێ کوردستانێ ب سەرکەڤتیانە ب دووماهی هات و خەلکێ کوردستانێ شیان د سەقایەکێ ئازاد دا دەنگێ خۆ بدەن.
ب پشتراستیڤە سەرکەڤتنا ئەڤێ پرۆسەیێ سەرکەڤتنا گەلێ کوردستانێ یە ب هەمی پێکهاتە و لایەنێن سیاسیڤە، ب ئەڤێ هەلکەڤتێ سوپاسی و پیرۆزباهییێن خۆ ئاراستەی گەلێ کوردستانێ و جەماوەر و ئەندام و لایەنگرێن پارتی دیمۆکراتی کوردستان و هەروەسا گشت لایەنێن سیاسی دکەم.
ل ڤێرە ب پێدڤی دزانم دەستخۆشییێ ل کۆمسیۆنا هەلبژارتنێن عیراقێ و کوردستانێ و هەمی لایەنێن پەیوەندیدار و هێزێن ئەمنی بکەم کو پێکڤە هاریکاربوون ژ بۆ کو پڕۆسەیا هەلبژارتنان ل هەرێما کوردستانێ ب سەرکەڤتی بهێتە ئەنجامدان، هیڤیدارم ئەڤ هەلبژارتنە و ئەنجامێن وێ هیڤیەکا نوو و قۆناغەکا نوو ل دووڤ خۆ بینیت کو د بەرژەوەندییا هەمی خەلێ کوردستانێ دا بیت.
مسعود بارزانی
20ـی ئۆكتۆبەرا 2024