ناڤهندا نووچهیان – سهما
میر حازم تەحسین بەگ: شنگال خودان گرنگییەکا تایبەتە و ئەم د پەیوەندیێ دانە بۆ ئاساییکردنا رەوشێ
میرێ ئێزدییان ل کوردستانێ، عێراقێ و جیهانێ، میر حازم تەحسین بەگ، د نووترین داخویانییا خۆ دا تهكهزی ل سەر ڕهوشا شنگالێ کر و ڕاگەهاند کو ئەو ژ نێزیک ئاگەهدارێ پێشهاتێن ههموو دەڤەرێن ئێزدییانن.
میر حازم بهگی، ئاماژە ب وێ چەندێ کر کو شنگال ژ بەر پێگەهێ خۆ یێ جوگرافی و دیرۆکی، خودان گرنگییەکا مەزن و تایبەتە.
ناڤبری دیار کر کو شنگال چەندین سالە د ناڤ رەوشەکا نەئاسایی دا دەرباز دبت، و پێدڤی ب ئارامیێ یه.
میر حازمی دووپات کر کو ئەوان پەیوەندیێن بەردەوام دگەل هەموو لایەنێن پەیوەندیدار هەنە سەبارەت ب هەر گوهۆڕین و پێشهاتەکێ کو ل دەڤەرێن ئێزدییان ب گشتی و شنگال ب تایبەتی روو بدەت.
ئەڤ داخویانییە د دەمەکێ دا دهێت کو خەلکێ دەڤەرێ چاڤەڕێی باشتربوونا بارودۆخێ ئەمنی و خزمەتگوزاری نە بۆ وێ چەندێ ئاوارە ب شێوەیەکێ سەربلند ڤەگەرنە سەر مال و حالێن خۆ.
ل رێکەفتی 3/8/2014ێ دهڤهرا شنگالێ کەفتە بەر هێرشەکا درندانە یا تێرۆرستێن داعش و رووبەڕووی مەزنترین جینۆساید بوو، د وێ جینۆسایدێ دا ب ههزاران کەس بوونە قوربانی و ب هزاران ژن و کچ هاتنە رەڤاندن.