ئەمریکا: دڤێت ئسرائیل و حەماس نەبنە رێگر ل هەمبەر راگرتنا شەڕی
ئه‌ڤرۆ نيوز:
وەزیرێ دەرڤە یێ ئەمریکا ئانتۆنی بلینکن د داخۆیانیەکێ دا بۆ دەزگەهێن راگەهاندنا ئەمریکا دیار کر، سوباهی ئانکۆ رۆژا دوشەمبیێ ١٠/٠٦/٢٠٢٤ ئەو دێ جارەکا دی سەرەدانا رۆژهەلاتا ناڤین کەت و دێ ل گەل بەرپرسێ چەندین وەلاتان دانوستاندنان کەت، ئارمانجا سەرەکی یا ئەمریکا ئەوە دا شەڕێ نها ل غەزە بهێتە راگرتن، مەترسیەکا گەلەک مەزن ل سەر ژیانا ب هزاران وەلاتیان هەیە و دڤێت هەموو وەلاتێن جیهانێ ژی هەست ب بەرپرسیاریا خوە یا دیرۆکی بکەن و کار بۆ راگرتنا شەڕی بکەن.
وەزیرێ دەرڤە یێ ئەمریکا ئەو یەک ژی دیار کر، بەرپرسێن وەلاتێ قەتەر دەست ب بزاڤەکا مەزن کرینە دا شەڕێ نها بهێتە راگرتن، دڤێت هەم ئسرائیل و هەم ژی حەماس نەبنە رێگر ل هەمبەر راگرتنا شەڕی، چونکی مەترسی ل سەر ژیانا ب هزاران کەسان یا هەی، دڤێت هەر دو ئالی هەست ب بەرپرسیار خوە یا دیرۆکی بکەن.