سەما
كۆڤان جەمیل، یێ بەرنیاس ب كۆڤان قائیدی، بەرهەڤیيان بۆ قارەمانییەكا بۆكسینگێ یا پرۆفێشينال و نێڤدەولەتی ژ كۆمەلا وەرزشا جیهانی ل باژێرێ مونشن ل وه‌لاتێ ئەلمانیا دكەت. ئه‌ڤ قارەمانییە دێ ل ڕێككەڤتی 28 / 11 / 2026 ئێتە ئەنجامدان.
د داخویانییەكێ دا كۆڤان قائیدی بۆ سه‌ما ڕاگەهاند: “ئارمانجا من ئەوە سەرکەڤتنەکا مەزن د ڤێ یارییا گرنگ دا ب دەستڤه بینم و وەک دیاری پێشکێشی خەلکێ کوردستانێ بکەم.”
قائیدی کێشا 71 کگم هه‌یە و ژ سه‌رجه‌مێ بتر ژ 2000 یاریزانێن بۆكسينگێ ئەو د ڕێزبەندییا 359ێ دا دئێت.
ناڤهاتى خەلکێ گوندێ دا‌کا مەزنە سەر ب کۆمەلگەها باپیری ڤە ل ناحیه‌يا ئەلقۆش، و نوها ل وه‌لاتێ ئەلمانیا ئاکنجییە و پێشتر ژى پشكدارى د چه‌ندين قاره‌مانيا دا كرييه و سه‌ركه‌ڤتنێن مه‌زن برينه.