ناڤەندا نووچەیان – سەما
ل 15ێ ئەیلوولا 2026ێ، نادیا موراد، چالاکڤانا ئێزدی يا مافێن مرۆڤی و هەلگرا خەلاتێ نۆبل یێ ئاشتیيێ، كتێبا خۆ یا دويێ ل ژێر ناڤێ “ئەز دەستپێکا خۆ هەلدبژێرم: چیرۆکا مێرخاسی و خەباتێ” بەلاڤ کر. ئهڤ كتێبه بەردەوامییا بیرهاتنێن وێ یێن ئێکێ یە ژ كتێبا “کچا داویيێ” کو ل سالا 2017 هاتبوو بەلاڤ کرن.
ئێک ژ تەوەرێن سەرەکی یێن كتێبێ، مافێ مرۆڤی یە د دەستنیشانکرنا ناسنامەیا خۆ دا پشتی دەربازبوونێ ژ ئەزموونەکا دژوار. نادیا دوپاتیيێ دکەت کو ئەو ناخوازت ژیانا وێ بتنێ د ناڤ بوارێ ئێخسیرکرن و توندوتیژیيێ دا بێتە کورت کرن. ئه بەحسا سەربەخۆیا خۆ، کارتێکرنا دایکا خۆ، هەڤژینیا خۆ یا پاشەڕۆژێ، و چاوانیا فێربوونا هەلبژارتنا دەم و شێوازێ ڤەگێڕانا چیرۆکا خۆ دکەت.
د ڤێ كتێبێ دا نادیا بەحسا دەهـ سالێن ژیانا خۆ دکەت: کارێن وێ یێن نێڤدەولەتی د بوارێ مافێن مرۆڤی دا، خەباتا وێ بۆ گەهشتن ب دادپەروەریێ، دیدارێن وێ دگەل سەرکردەیێن جیهانێ، و بزاڤێن وێ بۆ زڤڕینێ بۆ ژیانا ئاسایی، خواندن، هەڤالینی، حەزژێکرن و پێکئینانا خێزانێ.
د ناڤەڕۆکەکا دی يا گرنگ دا، ل سالا 2018ێ نادیا موراد دگەل نۆژدار “دینیس موکویگی” خەلاتێ نۆبل یێ ئاشتیيێ وەرگرت ب ئەگەرا خەباتا وان دژی بکارئینانا توندوتیژیيا سێکسی وەک چەکێ شەڕی.
ناڤونیشانێ كتێبا “ئەز دەستپێکا خۆ هەلدبژێرم” واتايهكا هێمایی یا کوور هەلگرتیە، چنکو نادیا نەک بتنێ وەک ڕزگاربوویەکا جینۆسایدێ بەحس دکەت، بەلکو وەک ژنەکێ کو ئاراستەیێ ژیانا خۆ دیار دکەت. بۆ جڤاکا ئێزدی، ئەڤ|ێ كتێبهێ گرنگیەکا تایبەت هەیە چنکو دیار دکەت کا چ ب سەرێ تاک و تەڤایا جڤاکی دێت پشتی جينۆسايدا سالا 2014.ل دەمەکێ خەبات بۆ دادپەروەریێ بەردەوامە و ژیان پێدڤی ب ئاڤاکرنەڤەیێ یە.
نهۆ كتێب ب زمانێ ئینگلیزی ب هەردو شێوازێن چاپکری و ئەلیکترۆنی دا بەردەستە.