سەما تیڤی

نه‌هـ سالن ئاوارەیێن دەرڤەی کەمپان گازا سپی وەرنەگرتينە

ناڤەندا نووچەیان – سەما

رێڤه‌به‌رێ‌ كۆچ و كۆچبه‌ران و به‌رسڤدانا قه‌يرانا ل دهۆكێ‌ راگه‌هاند، هێش 35 هه‌زار خێزانێن ئاواره‌يێن شنگالێ ل ده‌رڤه‌ى كه‌مپان ل سنوورێ پارێزگه‌ها دهۆكێ‌ دا ماینه‌ و دبێژت: ئه‌ڤه‌ نه‌هـ سالن حكومه‌تا عێراقێ‌ گازا سپی ل سه‌ر ئاواران به‌لاڤ نه‌كریيه‌.

ئيرۆ ئێكشه‌مبێ، 15ـى چريا دويێ 2026، ده‌يان پير جه‌عفه‌ر، رێڤه‌به‌رێ‌ كۆچ و كۆچبه‌ران و به‌رسڤدانا قه‌يرانا ل دهۆكێ‌ بۆ سه‌ما راگه‌هاند، سالانه‌ ئه‌م داخوازييه‌كێ ڕابه‌رى وەزارەتا کۆچ و کۆچبەرێن عێراقێ دكه‌ين کو گازا سپی بۆ ئاوارەیێن دەرڤەی کەمپان ژی بێتە دابینکرن، لێ وەزارەتێ ئيساله‌ ژى ره‌زامه‌ندى نەکر و ڕەتکر گازێ بدەنە ئاوارەیان.

ده‌رياره‌ى ژڤانێ گه‌هشتنا گازێ بۆ ئاواره‌يێن كه‌مپان، ده‌يان پير جه‌عفه‌ر گۆت: هه‌رچه‌نده‌ وه‌رزێ‌ سه‌رمایێ‌ ده‌ستپێكريیه‌، لێ‌ هه‌تا نهۆ به‌غدا گازا سپی بۆ ئاواران دابین نه‌كریيه‌، ئه‌م چاڤه‌ڕي نه‌ گاز ژ ئالييێ وه‌زاره‌تا كۆچ و كۆچبه‌رێن عێراقێ بگه‌هت و ب سه‌ر ئاواره‌يێن دناڤ كه‌مان دا دژين دابه‌ش بكه‌ين.

ڤێ بڕیارێ و بێبەهرکرنا بەردەوام، ره‌وشا ژیانا ب هه‌زاران خێزانێن ئاوارە ئه‌وێن ل ده‌رڤه‌ى كه‌مپان ئاكنجى، گەلەک گرانتر لێکریيە ز زڤستانەکا دژوار ب رێڤە دبن.

ئاواره‌يێن ده‌رڤه‌ى كه‌مپان ژ ئالييێ حكومه‌تا عێراقێ‌ ڤه‌ هاتينه‌ پشتگوه هاڤێتن و چو هاریكاری بۆ وان نائێنه‌ دابینكرن، ب تنێ‌ ئه‌و هاریكاریێن رێكخراوێن خێرخوازی دابین دكه‌ن، دگه‌هنه‌ وان ئاواران، لێ‌ ئه‌و ژی گه‌له‌ك دكێمن.

ژ ئه‌نجامێ ئێرشا تيرۆرستێن داعشێ بۆ سه‌ر ده‌ڤه‌را شنگالێ ل 3ـى ته‌باخا 2014، ب هه‌زاران خه‌لك ده‌ربه‌ده‌ر و ئاواره‌بوون و قه‌ستا ده‌ڤه‌رێن ئارامێن هه‌رێما كوردستانێ كرن، هه‌تا نهۆ ژى نێزيكى 270 هه‌زار ئاواره‌ ل ده‌رڤه‌ كه‌مپان ماينه‌ ب تايبه‌تى و نكارن ڤه‌گه‌ڕنه‌ ده‌ڤه‌رێن خۆ.

><