سه‌ما
گۆڕه‌كێ دى يێ بكۆم يێ قوربانيێن ئێزدى يێن ده‌ستێ داعشێ ل شنگالێ هاته ديتن و تيمه‌كێ تايبه‌ت دێ ب هلدانا وى گۆڕى رابت.
خه‌يرى عه‌لى، به‌رپرسێ رێكخراوا به‌تریکۆر یا مافێن مرۆڤی بۆ سه‌ما راگه‌هاند: گۆڕەکێ دی یێ ب کۆم یێ قوربانيێن ئێزدى ل کۆمەلگەها سیبا شێخدرێ سه‌ر بناحيا گرعزێر ڤه هاتە دیتن، پتريا تەرمێن د وی گۆڕی دا زارۆکن و جلكێن كه‌سێن مه‌زن ژى دناڤدانه.
به‌رپرسێ رێكخراوا به‌تریکۆر ئاشكراكر:لايه‌نێن په‌يوه‌نديدار ل سه‌ر هه‌بوونا ڤى گۆڕێ بكۆم هاتينه ئاگه‌هداركرن و كۆلانا وى هاتيه سه‌كناندن.
پشتى هێرشا تیرۆرستێن داعش بۆ سەر شنگالێ ل 3ى ته‌باخا 2014ێ، ب سه‌دان وه‌ڵاتيێن ئێزدى ل سەر دەستێ تيرۆرستان بوونە قوربانى.
هه‌تا نۆكه ل گۆڕه‌ى زانياريان، زێده‌ترى 92 گۆڕێن بكۆم و تاك يێن قوربانيێن ئێزدى ل شنگالێ هاتينه ديتن و هنده‌ك ژ ئه‌وان گۆڕان هاتينه هلدان و رووفاتێن وان هاتينه ده‌رئێخستن.