ناڤهندا نووچهیان – سهما
سهرۆكێ حكومهتا ههرێما كوردستانێ، ل ڕۆژا جیهانی یا زمانێ دایكێ دبێژت، زمان بنەمایەکێ سەرەکی يێ ناسنامەیا نەتەوەییە. ههڤدهم پابەندبوونا حکومەتێ بۆ گرنگیدان ب زمانێ کوردی و سەرجەم پێکهاتەيان كر.
ئیرۆ شهمبوویێ، 21ـى شوباتا 2026، مهسرور بارزانی، سهرۆكێ حكومهتا ههرێما كوردستانێ، ل ههژمارا خۆ يا تايبهت يا تۆرا كۆمهلایهتی “ئێکس” پهیامهك سهبارهت ڕۆژا جيهانى يا زمانێ دايكێ بهلاڤكر.
مەسرور بارزانی ئاماژە ب بهایێ زمانێ کر وەکو پێناسەیەک بۆ نەتەوەيى و دبێژت: “زمان، بنەمایەکێ گرنگ و سەرەکیێ بوون و ناسنامەیا نەتەوەیی و نیشتمانێ مهيه.”
د پشكهكا دى يا پەیاما خۆ دا، سهرۆكێ حكومهتێ تیشک ئێخسته سەر پێکڤەژیان و فرە کهلتووری ل هەرێما کوردستانێ و نڤيسييه: “هەرێما کوردستانێ ب هەبوونا زمان و کهلتوورێن جودا يا دەولەمەندە و جهێ شانازیێ يه، هەموو پێکهاتەيێن کوردستانێ، ئازادانە ب زمانێ خۆ يێ دایکێ د ئاخڤن و د خوونن.”
هەروەسا سەبارەت ب ديتن و كارێ حكومهتێ د ڤی بیاڤی دا، مهسرور بارزانى تهكهزى ل پڕۆسهیا پهروهردێ كر و دبێژت: ” حكومهتا ههرێما كوردستانێ، پابهندبوونا خۆ ب گرنگیدانێ ب زمانێ كوردی و ههموو زمانێن پێكهاتێن گهلێن كوردستانێ دوپات دكهت.”