هۆزا هه‌وێريا هۆڵه‌كا بيره‌وه‌رييان ل شنگالێ ڤه‌كر

ناڤەندا نووچەیان – سەما

هۆڵه‌كا بيره‌وه‌رييان ل كۆمه‌ڵگه‌ها گوهبه‌ل بۆهه‌وێريێن شنگالێ هاته‌ ڤه‌كرن و كه‌فته‌ دخزمه‌تا خه‌ڵكێ ده‌ڤه‌رێ دا.

عه‌نته‌ر خه‌له‌ف، ئێك ژ خێرخوازێن ئێزدى ب كارێ دروستكرنا هۆڵێ ڕابوويه‌، ئيڕۆ شه‌مبوويێ 9ى ته‌باخا 2025، بۆ سه‌ما دبێژت: ل سالا 2024 ب هاريكاريا خێرخوازێن ئێزدى يێن هۆزا هه‌وێريا ل ناڤخۆ و ده‌رڤه‌ى وه‌ڵاتى، ده‌ست ب ئاڤاكرنا هۆڵا هه‌وێريا يا بيره‌وه‌رييان ل كۆمه‌ڵگه‌ها گوهبه‌ل هاته‌ كرن.

دبێژت: دوهى ڕۆژا ئينيێ 8-8-2025، د ڕێوره‌سمه‌كێ دا هۆڵا ناڤبرى هاته‌ ڤه‌كرن و كه‌فته‌ دخزمه‌تا خه‌ڵكێ ده‌ڤه‌رێ دا بۆ خێر و شه‌ڕان.

عه‌نته‌ر خه‌له‌ف، به‌حس ل وێ چه‌ندێ كر، ئه‌ڤ هۆڵ ژ ژۆرێن ناڤخۆ، لێنانگه‌هـ و ده‌ستشۆيان و پاركه‌كا ڕاوه‌ستاندنا ترومبێلان پێكدئێت.