سه‌ما
ئيرۆ 10 سال ب سەر كۆمكوژییا كوردێن ئێزدی ژلایێ ڕێكخراوا داعش ڤە دەربازبوون و هەتا نوكە زێدەتر ژ دوو هه‌زار و 800 كوردێن ئێزدی یێن ڕەڤاندی، بێ سەروشوینن.
حسێن قائیدی، بەرپرسێ نڤیسینگەها رزگاركرنا ڕەڤاندییێن دەستێ داعش بۆ سه‌ما ڕاگەهاند، ب ئەگەرێ هێرشێن داعش بۆ سەر شنگالێ و دەوروبەرێن وێ، نێزیکی 5000 ئێزدییان هاتنە كۆمكوژ كرن، هەروەسا 6417 کەس ژی هاتنە ڕەڤاندن.
لدوڤ ئامارێن نڤیسینگەها ڕزگاركرنا ڕەڤاندییێن دەستێ داعش، ژ وان كوردێن ئێزدی یێن هاتینە ڕەڤاندن، هەتا ئيرۆ 3576 کەس هاتینە رزگاركرن و 2841 کەس ژی بێ سەروشوینن.
ل ڕۆژا 3/8/2014 تيرۆرستێن داعش هێرش کرە سەر شنگالێ و دەوروبەرێن وێ و د وێ هێرشێ دا 6 هه‌زار و 417 ئێزدی هاتنە ڕەڤاندن، كۆمكوژ و بێ سەروشوین کرن.