ناڤهندا نووچهیان – سهما
سەرۆکێ حكومهتا ههرێما كوردستانێ دووپاتكر، هەموو پابەندیێن خۆ دهربارەی مووچەى بجهئیناینە “بەڵێ ب مخابنى ڤه بابەت ب سیاسی هاتيه كرن.” ههڤدهم تهكهز ل خزمەتکرنا وهڵاتيێن ههريما كوردستانێ كر.
ئيڕۆ پێنج شەمبوويێ، 6ـی چريا دووێ 2025، مەسرور بارزانی، سەرۆکێ حکومەتا هەرێما کوردستانێ، سهرهدانا ماستەرپلانا دوین كر و د لێدوانهكا ڕۆژنامەڤانى دا؛ بهحس ل گرنگیا پڕۆژەيى، مووچەیێ فەرمانبەران و کار و چالاکیێن حکومەتێ کر.
سهرۆكێ حكومهتێ دووپاتکر، “ماستەرپلانا دوین ژ هەموو ڕوويهكى ڤه گرنگی و تایبەتمەندیا خۆ هەیە،” ب تایبەتی ژ ڕوویێ گرنگيدان ب شوونوارێن مێژوویی و گەشتیاری يێن دهڤهرێ.
دهربارەی مووچەیێ فەرمانبەرێن هەرێما کوردستانێ، مەسرور بارزانی، سهرۆكێ حكومهتێ گۆت “بب مخابینڤە بابەتێ مووچەی هاتییە سیاسیكرن، ئەڤە چەندین جاران وان دیاركر كو حكومەتا هەرێمێ هەموو ئەركێن خۆ بجهئیناینە، هەر چیا پێدڤی بت ب زێدەیی كریە، ئەو دێ دگەل بەغدا ل سەر هێل بن هەتا كو مووچەی دابین دكەن.”
سەرۆکێ حکومەتێ دووپاتکر “ئهم دێ دبەردەوام بین، بزانین ئەگەر مه كارى د ماوەیەکێ کێمدا مووچەیێ ههيڤێن داهاتى ژى وەربگرین. زێدهتر بەرپرسیارهتى دکەفتە سەر ئهركێ بەغدا و داخوا دکەم، ئەو کەسێن کو زۆر جاران گلەيێ دکەن، بلا ڕوویێ گلەیێن وان ل بەغدا بت.”