ناڤەندا نووچەیان – سەما
شاندهكێ كونسلخانهيا گشتى يا هۆلهندا ل ههولێرێ سهرهدانا پهرستگهها لالش كر.
ئيڕۆ چارشهمبوويێ 6ـی تهباخا 2025، ئادريان يسلستين، كونسولێ گشتى يێ هۆلهندا ل ههولێرێ ب ياوهريا شاندهكى سهرهدانا پهرستگهها لالش كر و ژلایێ بابێ چاویش ڤه هاته پێشوازیكرن.
د ديدارێ دا، ڕهوشا شنگالێ و جینۆسایدا ئێزدیان هاته بهحسكرن، ژبهركو ئێزدی ب چاندنێ ڤه د گرێداینه داخواز ژ شاندێ هۆلهندی هاته كرن پشتهڤانیا جۆتیارێن شنگالێ بكهن داكو خهلك ب ئاخا خۆ ڤه بێته گرێدان.
دلايهكێ دى دا، داخواز ژ شاندێ هۆلهندێ هاته كرن ب ڕێكا زانستی ژى خزمهتا ئێزدیان بكهن و كورسیان ل زانكۆیێن هۆلهندا بۆ قوتابیێن ئێزدی دابین بكهن، زێدهبارى شاندێن قوتابیێن هۆلهندی ژی سهرهدانا كوردستانێ بكهن و بێنه پهرستگهها لالش، داكو دیرۆك و شارستانیهت و جینۆسایدا ئێزدیان بزانن، پهیوهندیێن جڤاكا ئێزدی و هۆلهندی ب هێز بن.
ئادريان يسلستين، كونسولێ هۆلهندا گۆت: دێ داخوازى و پێشینارێن ئێزديان گههینینه حكومهتا هۆلهندا.
لالش تاكه پهرستگهها پيرۆزا ئێزديانه، دكهفته قهزا شێخان ل پارێزگهها دهۆكێ و ڕێورهسمێن ههموو جهژن و ههڵكهفتێن ئۆلى لێ دئێنه كرن.
