دڤیا دار به‌ڕویا چیایێن كوردستانێ بمینه كه‌له‌م دناڤ چاڤێن نه‌یاران دا
نێچیرڤان شێخ شامۆ
وه‌كو تاكه‌كێ كۆمه‌لگه‌ها كوردستانی و ژ وان مافێن سه‌ره‌تایی یێن ژیانا هه‌ر كه‌سه‌كی ئه‌وه ژ ڕوویێ دیموكراسی و ئازادیا ڕاده‌ڕبرینێ ڤه،خودانێ بۆچۆن و دیتنا خوه‌به د دیاركرن و ده‌ستنیشانكرنا ده‌ستهه‌لات و نوێنه‌راتیا خوه د ڕێڤه‌برن و ئیداره‌دانا وه‌ڵات دا په‌یره‌و بكه.
دڤی چارچۆڤه‌يی دا هه‌رێما كوردستانێ ل پرۆسێسه‌كا دیموكراسی نێزیك دبه كو قه‌وله ل 20ی مه‌ها 10 یا ئه‌ڤ ساله هه‌لبژارتنێن خۆلا شه‌شێ یا په‌رله‌مانا هه‌رێما كوردستانێ ب رێڤه هه‌رن.
ئه‌گه‌ر هزر ل مێژو و ڕابردوویێ وه‌ڵاتێ خوه‌یێ تژی تراژیدی و ئه‌ڤرازی و نشیڤی و قوربانی دان و ده‌ستكه‌فت و سه‌رفه‌رازی دیتین بكه‌ین، و به‌راوردیێ دگه‌ل كاودان و ڕه‌وشا ئیرۆ ڕۆژا كوردستان تێرا ده‌رباز دبه دێ ب زه‌ڵالی و زانین و ل سه‌رخوه گاڤا خوه ژبۆ نه‌خشاندنا ژیان و چاره‌نڤیسێ سبه و داهاتوو هاڤێژن.
ئه‌زموونا ئازادیا كوردستانێ و هه‌بوونا كیانه‌كێ دیموكراسی و ده‌ستوری، مه هشیار و هاندده كو ب جدی و به‌رپرسانه ب ئه‌رك و ڕۆلێ خوه ڕابن و خودانێ بریارا خوه‌بن ژبۆ درێژه‌دان ب ڤێ پرۆسێس و ئه‌زموونا سه‌ركه‌فتی.
دڤێ قۆناغا نازك دا هشیاریا تاك ب تاكێ كۆمه‌لگه‌ها كوردستانی زۆرا گرنگه و مه‌رجێ داهاتویه‌كێ گه‌شتره بۆ وه‌لات و ملله‌تێ مه، ده‌م و ده‌لیڤه‌كا دیرۆكی ل پێشیا مه‌یه ژبۆ به‌رسڤدان و تۆلڤه‌كرنه‌كا ئاشتیانه ژبۆ وان زولم و زۆری و سیاسه‌تێن ناحه‌قێن د چه‌ند سالێن بۆری دا ل سه‌ر خه‌لكێ كوردستانێ هاتینه سه‌پاندن بگره ژ (سیاسه‌تێن داگیركاریا ئاخێ و شه‌رێ ئیراده و باوه‌ریێ و سیاسه‌تێن برسی كرن و ئێشاندنێ و هاندانا جڤاك وتاكێ كوردستانی ژبۆ سستكرن و ساركرنا وان ژ پره‌نسیپێن نه‌ته‌وی و حه‌زكرنا ئاخ و وه‌ڵات و له‌كه‌داركرنا ئه‌زمونا سیاسی و حوكمرانیا كوردستانێ).
ئه‌ڤ دژایه‌تی هه‌می ب به‌رنامه و زانین ب سپۆنسه‌ریا دوژمنێن كه‌ڤنار و نه‌ته‌وه‌په‌رستێن هه‌رێمایه‌تی و حوكمرانێن عيراقێ و دارده‌ستی و خوه‌فرۆشیا هنده‌ك لایه‌نێن سیاسی یێن ب ناڤ كوردستانی دهاته په‌یره‌وكرن.
ئاشكرایه ئارمانج و تیرا نه‌حه‌زان به‌رده‌وام به‌ره‌ف سینگا پارتیا دیموكراتا كوردستانێ بوویه، ئه‌ڤ چه‌ندا هه‌نێ وێ یه‌كێ عه‌سه دكه كو ب تنێ پارتیا بارزانی هه‌بوون و خودان و پارێزه‌رێ ڕاسته‌قینه و هه‌رتمی یێ قه‌واره و ده‌ستكه‌فت و ئارمانجێن پیرۆزێن كوردستانێ یه ل هه‌ر قۆناغ و بارودۆخه‌كی.
دڤێ رێكێ دا گه‌ره‌كه ئه‌م هه‌می ب به‌رپرسانه و ب وژدان و وریا بن به‌رامبه‌ر رابردو و ئه‌ڤرۆ و داهاتویێ گه‌لێ مه.
دناڤبه‌را هه‌ڤركیا هه‌لبژارتنێن خۆلا شه‌شێ یا په‌رله‌مانا كوردستانێ دا وه‌كه هه‌رجار و ب هێزتر و په‌ڕۆشتر دیسان ره‌ش و سپی ژ هه‌ڤ باشقه بكه‌ن و(یار و دڵسۆزێن ئاخ و وه‌ڵات خه‌لات و بهێزتر بكه‌ن و نه‌یار و دارده‌ستێن خه‌لكێ شه‌رمه‌زار و لاواز بكه‌ن).
نیشان و ده‌رئه‌نجامێن ئه‌زموون و سه‌رده‌مێن ڕابوهری خویا و عه‌سه دكه‌ن كو (گاڤا پارتی بهێزبه كوردستان بهێزه) ل گۆڕ ڤی تێگه‌هێ ڕاست و ورد، بۆی وێ یه‌كێ كوردستان بهێز بمینه و درێژه ب ڤێ ئه‌زموونا تژی باوه‌ری و پره‌نسیپێن جێگیر ل پێناڤی مافێن ڕه‌وایێن خه‌لكێ كوردستانێ و به‌رده‌وامیدان ب كاروانێ خه‌باتێ وگه‌هیشتن ب قۆناغێن سه‌رفرازیێن ئێكجاری و ئێكلاكه‌ر.
ئه‌رك و به‌رپرسایه‌تیا مه هه‌میانه بێ ده‌نگ و هه‌ڵویست نه‌مینن و ڤێ جارێ ژی د هه‌لبژارتنێن خۆلا شه‌شێ یا په‌رله‌مانێ كوردستانێ دا ب هه‌می ده‌نگ و هێز بهه‌ڤره بخه‌بتن و كاربكه‌ن و سه‌نگا پارتیا بارزانی گرانتر بكه‌ن و پارتیا پێشره‌وا شۆره‌ش و سه‌رهلدان و ئازادی و هه‌بوونێ بهێزتر بكه‌ن، دڤیا وه‌كه هه‌رجار “داربه‌ڕویا چیایێن كوردستانێ بمینه كه‌له‌م دناڤ چاڤێن نه‌یارێن كوردستانێ دا”.
ئه‌ڤ یه‌ك وێ ببه به‌رسڤ و نامه‌یه‌كا توند ژبۆ نا حه‌ز و نه‌یارێن كوردستانێ و وه‌فا و شادبوونه‌كه بۆ روحا شه‌هید و جانگۆری و خه‌بات و كۆلنه‌دانا پارتیا دیموكراتا كوردستانێ، ئه‌و پارتیا كو مێژوويه‌كا زێرین تۆماركری ژ سه‌رفرازی و سه‌روه‌ریا بگره هه‌ر ژ سه‌رده‌مێ نه‌مان و بێ ئۆمێدیێ هه‌تا كو ب هه‌بوون و ئۆمێديێ،ئه‌ڤ هه‌می ژی سایه سه‌رێ ره‌مزێ مه‌زنێ نه‌ته‌وه‌یی نه‌مر مسته‌فایێ بارزانی هه‌تاكو ئه‌ڤرۆ سه‌رۆك و ڕێبه‌رێ مه‌زن جه‌نابێ سه‌رۆك مه‌سعود بارزانی.
ئه‌وێن هه‌می ژیانا خوه ب خه‌بات و تێكۆشان و سیاسه‌تێن خوه یێن حه‌كیمانه و ب خوه‌راگری هێلایین هه‌می وان بارودۆخێن زه‌حمه‌ت و شه‌ر و هێرش و جینۆساید و سیاسه‌تێن دوژمنكارانه و ئالينگاریێن ل دژی هه‌بوونا كوردستانێ و كوردستانیان تێپه‌رینن.
و ئیرۆ ڕۆژ ئه‌م خودانێ كیانه‌كی ده‌ستوری و كۆمه‌لگه‌هه‌كا دیموكراسی و مه‌ده‌نی نه ،و تژی ڕامان و بنه‌مایێن دادپه‌روه‌ری و پێكڤه‌ژیان و مرۆڤدۆستی و ئاشتیا كۆمه‌لایه‌تی و به‌رژه‌وه‌ندیێن باڵایێن نشتیمانی و ستراتیژی تێدا به‌رجه‌سته‌نه.
ب هێز مان و هێزتربوونا پارتی وێ ببه نامه و به‌رسڤه‌كا ئاشتیانه ژبۆ جیهانا ئاشتیخواز و وان ئه‌جندا و هێزێن ده‌ره‌كی و ناوچه‌یی و وان لایه‌نێن ناڤخوه‌یی یێن ب ناڤ كوردستانی كو هنده ساله ژبلی دارده‌ستیا دوژمنان و تێكدانا ئه‌زموون و ئارامیا كوردستانێ خه‌لكێ وێ چ خێر و چاكی ل وان نه‌دیتیه.
تاكێ كوردستانی ژ هه‌ژی ژیانه‌كا گه‌شتر و داهاتویه‌كێ زامن تره،ژبۆ به‌رجه‌سته‌كرنا ڤێ یه‌كێ ده‌نگده‌رێ هێژا بریار ل ده‌ستێ ته‌دایه و كا ئه‌م ب هه‌ڤره ڕۆژا هه‌لبژارتنا بكه‌نه ڕۆژا غیره‌ت و ئێكلاكرنێ و ڤی مافێ خوه یێ دیموكراسی بكاربینن و داهاتوویێ وه‌لاتێ خوه ل سه‌ر ده‌ستێ جه‌نابێ سه‌رۆك بارزانی و پارتیا خوه ره‌نگینتر و گه‌شتر و جوانتر و ب هێزتر بنه‌خشینن.
ب باوه‌رم و هیڤی خودێ و خودان و ب هیمه‌تا وه‌ڵاتپارێز و جه‌ماوه‌رێ شه‌ره‌فمه‌ند و عاقلمه‌ندێ كوردستانێ،ڤێجارێ ژی پارتیا مه دێ په‌رله‌مانی تژی كه‌ت ژ كورسیا.”
