دوو ستێرێن كوردێن ئێزدی و راگه‌هاندنه‌كا كه‌مته‌رخه‌م !
هۆگر نه‌جيب
راگاهاندن ل هه‌ر وه‌لاته‌كی و ب تایبه‌ت جیهانا ئازاد ب واتایا ڤه‌گوهاستنا ده‌نگوباس و راستیان بۆ جه‌ماوه‌ری یان ده‌ستهه‌لاتێ و ڕایا گشتی دهێت ، ڤه‌شارتنا سه‌ركه‌فتنێن به‌هره‌مه‌ندان جهێ گۆمانێیه، (نه‌وزاد شێخانی) و (بادین حه‌سۆ) وه‌ك نمونه (نه‌وزاد شێخانی) گه‌نجه‌ك و ده‌رهێنه‌ره‌كێ به‌هره‌مه‌ندێ ئێزدییه، گه‌نجه‌كێ ده‌ڤه‌را شێخانه نها ل ئه‌لمانیا ئاكنجی یه ، ده‌رهێنه‌رێ سه‌ره‌كیێ سه‌مفونیا (شنگال) رۆله‌كێ سه‌ره‌كیی گێرایه د ڤێ سمفونیێ دا، و ئه‌و بخۆ خودان بیرۆكه‌یا ئه‌ڤێ سه‌مفۆنیێ بوو، خودان به‌هره‌كه ژێهاتییه د بوارێ ده‌رهێنه‌ریێ دا ، لێ ده‌مێ ئه‌ڤ كارێ مه‌زن بۆ كوردستانێ كری، فه‌ربوو ب شانازیڤه راگه‌هاندن ب ئه‌ركێ خۆ رابا و شیان و ماندووبوونا وی بۆ كوردستانێ و هه‌موو جیهانێ ژی نیشاندابا، ب جیهانێ گۆتبا ئه‌م خودان به‌هره و به‌هره‌مه‌ندین د بیاڤێن جودا جودا دا، لێ نه‌بتنێ ئه‌ڤ چه‌نده نه‌هاته كرن به‌لكو بزاڤا بن په‌ڕده‌كرنا خه‌بات و شیانێن وی ژی هاته كرن ، كوردین ئێزدی د تورێن كۆمه‌لایه‌تی دا ب تایبه‌تی فه‌یسبوكی سه‌رسورمانی و نه‌رازیبوونا خۆ نیشا دا كا بۆچی راگه‌هاندنا كوردی بڤی شێوه‌ی سه‌ره‌ده‌ریێ دگه‌ل به‌هه‌ره‌مه‌ندێن وان دكه‌ت ؟ و وه‌ك پێدڤی ده‌رهه‌قێ وان ده‌رناكه‌ڤن ؟ و د ده‌رهه‌قێ وان ده ب ڕۆڵێ وان ڕانابن (بادین حه‌سوَ) گه‌نجه‌كێ كومه‌لگه‌ها شاریا نها ل وه‌لاتێ ئه‌لمانیا دژیت خودان به‌هره‌یه‌كا ژێهاتیه د بوارێ بوكسینكێ دا ، به‌شداری یا كری د چه‌ندین قاره‌مانێن بوكسینكێ دا نه‌بتنێ جاره‌كێ به‌لكو چه‌ندین جاران ییێ بوویه قاره‌مان ل ئه‌لمانیا ، لێ دیسا راگه‌هاندنا كوردی رۆلێ خۆ نه‌گێرا وه‌كی پێدڤی د ده‌رهه‌قێ ڤی گه‌نجی دا ، سه‌ركه‌فتنێن وی وه‌ك پێدڤی نیشا كوردستانێ نه‌دا هه‌ر ئه‌ڤ چه‌نده ژی بوو جهێ نیگه‌رانیا مالباتا وی. ل دوماهیێ دڤێت راگه‌هاندن ب رۆلێ خۆ رابت بیێ جیاوازیا (ئاین-مه‌زهه‌ب-نه‌ته‌وه-حزبایه‌تی) ، دڤێت گه‌له‌ك (فیچه‌ر –ده‌نگ وباس – راپۆرت. .. .. . ) بۆ ڤان هه‌ردوو به‌هره‌مه‌ندا و هه‌ر به‌هرمه‌نده‌كێ ژ هه‌ژی دروست بكه‌ت هه‌تا دگه‌هیته وی راده‌ی هه‌موو ته‌خ و چینێن جڤاكی هه‌ست ب به‌هره‌مه‌ندییا وان بكه‌ن و شانازیێ پێ ببه‌ن ژبه‌ركو سه‌ركه‌فتنێن وان ژ هه‌ژی ڤێ چه‌ندێنه ، دروست كارنه‌كرن و ده‌رهه‌ق ده‌رنه‌كه‌فتنا به‌هره‌مه‌ندا شكه‌ستنا بۆ راگه‌هاندنێ و سه‌ركه‌فتنا دوژمنی.