گرنگیا ڤان جەژنان ڕاستیا ئۆلا ئێزدیان ددە خوياكرن و ژ جیھانێ ڕە نیشان ددە کو کوردێن ئێزدی خوه‌دی دیرۆکەکا دوور و درێژ و ئۆلەکە كەڤنارە، ژبەرکو گەلەک رێورەسمێن کو د ڤان جەژنان دە دئێنە گێران ڤەدگەرنە ھەزار سالان بەری زایینێ، دناڤ وان جەژنان دە جەژنا خدر لیاسە ل گۆڕ سالنامەیا رۆژهەلاتی د رۆژا پێنج شەما ئێکێ ئا مەھا ئادارا رۆژهەلاتی و دو رۆژان بەردەوام دکە.
رێورەسمێن ڤێ جەژنێ پشتی سێ ڕۆژان، ب ڕۆژی دبن ب تایبەتی یێن کو ب ناڤێن (خدر) و (ئەلیاس) ، و ھن ئۆلدارێن ل مەزارگەھان و پەرستگەھا لالشێ و یێن کو دخوازن ب ڕۆژی بن. پرانیا مالباتان (پێخونێ) چێدکن و ژ ھەفت جۆرێن دەخل ودانی پێک دئێت، کو ھەموو مالبات وان دقەلینن ودهێرن و پاشى ب ھنگڤ رە یان دۆشاڤێ تێكەل دکن و شیرینیەکە خوەزایی(حلويات طبيعية) ژێ تێ چێکرن و د ڕۆژا ئێكێ يا جەژنێ بۆ مێڤانا دئێتە پێشکێشکرن، هەر مالەك سێنیكەكا وێ پێخوونێ دانێنە جیەكی تاری دمالێدە و دبێژن دبە خدر لیاس سەرەدانا مالا وان بكە و نیشانەكێ ل سەر وێ پێخوونێ بدە وئەڤە دبە پیرۆزیەكا هەرە مەزن.
پیرانى بەحرا مەزینە
غەواس دورِا ژێ دەرتینە
خدر لياس ئێك ژ وان دئینە
جۆتيار ژی د ڕۆژا ئێكێ ئا جەژنێ دە هندەك پێخوونێ ل ناڤ زەڤیێن خۆ دە د ڕەشینە ژبۆ خێر وبەرەكەتێ.
رێورەسمێن گرێدایی ڤێ جەژنێ ھەنە، وەک ئامادەکرنا خوارنێن تایبەت ژبۆ سبەھا ڕۆژا یەکەم ئا جەژنێ ئامادە دكەن و دبێژنێ (چەرخووس).
جەژنا خەدر لیاس قوربانی قەدەغەیە و نێچیر ژی قەدەغەیە. چنكو دەستپێکا به‌ھارێ یە و دەمێ زێدەبووبا هەموو گیاندارایە و ئێزدی گۆتنەكێ دبێژن (خدر لیاس و سال خلاس)کو واتەیا داویا وەرزێ زڤستانێ و داویا دەمسالا چاندنیێ یە.
و د ڕۆژا جەژنێ دە ب سەدان کەس کۆم دبن و ل نیشانگەكێن خدر لیاس هەلكەفتا دگێرن و تایبەت ل باعه‌درێ.
نێزیكبوونا دناڤبەرا جەژنا خدر لیاس دە، کو دکەڤە ڕۆژا پێنج شەما ئێكێ ئا مەھا سباتێ یا رۆژھلاتى، و ڕۆژا ئەڤینداران، کو دکەڤە چاردەھێ سباتێ دە، وگەنج د وێ باوەریێ دە یە کو خدر لیاس د خەونێن وان دە سەره‌دانا وان دکە و ئاڤێ ددە وان و ئەو خەون دبنە راستی، چنكو خدر لیاس مراز حاسلە.
