ناڤهندا نووچهیان – سهما
وەزارەتا خواندنا بلند و ڤەکۆلینێن زانستی ل هەرێما کوردستانێ بڕیارهك بۆ سڤکكرنا بارێ دارایی یێ قوتابیان دا، ئهوژی داشکاندنەکا نوو د کرێیا خواندنێ دا ڕاگەهاند.
حکومەتا هەرێما کوردستانێ ب فەرمی داوی ب وێ بێهنڤەدانێ ئینا ئەوا ژبەر تێکچوونا بارودۆخێ ئەمنی ل ناڤەندێن خواندنێ هاتبوو ڕاگەهاندن.
د. ئارام محەمەد قادر، وەزیرێ خواندنا بلند تهكهزی ل سەر هندێ كر کو خواندنا ئۆنلاین زیانێ ب کوالیتیا فێربوونێ دگەهینت، لەوما بڕیار هاتە دان خواندن د ناڤ هۆڵان دا بت. دگەل ڤێ بڕیارێ دا، وەزارەتێ ئاسانکاریەکا دارایی یا نوو بۆ سالا خواندنێ 2025-2026 ڕاگەهاند، کو تێدا رێژەیا داشکاندنا کرێیا خواندنێ هاتیە زێدەکرن دا کو هاریکاریا وەلاتی و قوتابیان بهێتە کرن بۆ دەربازکرنا ڤێ قۆناغێ.
رێنمایێن نوو یێن وەزارەتا خواندنا بلند ب ڤی ڕەنگی نە:
-
دەواما تمامیا زانکۆ و پەیمانگەهێن حکومی و تایبەت ل رۆژا یەکشەمبی 29-3-2026 دەستپێدکەتەڤە.
-
بڕیار هاتە دان ب داشکاندنا کرێیا خواندنێ ب رێژەیا 20% بۆ هەموو ئاستێن خواندنا بەرایی و بلند (ماستەر و دکتۆرا).
-
ئەڤ داشکاندنا نوو دێ چتە سەر وێ 45% ئەوا بەری نوکە هەبووی، ب مەرجەکێ قوتابی هەتا رۆژا 3-5-2026 تمامیا قستێن خۆ بدەت.
-
دەستهەلاتا تمام هاتیە دان ب زانکۆیان بۆ دووبارە پێداچوونەوە و رێکخستنا سالنامەیا خواندنێ ل دویف پێدڤیێ.
-
بۆ قەرەبووکرنا بێهنڤەدانان، ئەولەویەت دێ بۆ وانەیێن کرداری و پراکتیکی بیت دا کو مفایەکێ زۆر ژ دەمی بهێتە وەرگرتن.
-
قوتابیێن ماستەر و دکتۆرایێ یێن کو ژبەر بێهنڤەدانێ دەمێ گۆتوبێژکرنا نامێن وان چووی، دێ قەرەبوویا دەمی بۆ هێتە کرن.