ناڤهندا نووچهيان – سهما
رێڤەبەریيا گشتی یا كاروبارێن ئێزدیان جهژنا سهرێسالێ ل ئێزدييان پيرۆز كر و ڕاگههاند، هیڤیدارین ئەڤ جەژنە ببتە جەژنا خێر و بەرەكەتێ و تەنایێ بۆ هەموو ئالييهكى.
ئيرۆ سێ شهمبوويێ، 14ـى نيسانا2026، رێڤەبەریيا گشتی یا كاروبارێن ئێزدیان، پهيامهكا پيرۆزباهييێ ب ههلكهفتا هاتنا جهژنا سهرێسالێ بهلاڤ كر.
دهقێ پهيامێ:
ب هەلكەفتا هاتنا جەژنا سەرسالا ئێزدیان، ڕێڤەبەریا گشتی یا كاروبارێن ئێزدیان گەرمترین و جوانترين پیرۆزباهييان ئاراستەی ئێزديان ل هەرێما كوردستانێ و عێراقێ و ل سەرانسەری جیهانێ دكەت، هیڤیدارین ئەڤ جەژنە ببتە جەژنا خێر و بەرەكەتێ و تەنایێ بۆ هەموو ئالييهكى.
د ڤێ هەلكەفتا پیرۆز دا، ب دلهكێ تژی ئێش و كۆڤان ڤه ئێش و ئازارێن ڕەڤاندییێن خۆ ل ب بیر دئینین كو هێشتا چارەنڤیسێ ب ههزاران ژ وان هەتا ڤێ گاڤێ یێ وندایە، هەروهسا ئەم ڕەوشا خهلكێ خۆ د ناڤ كەمپان دا ژ بیر ناكەین و دوپات دكەین كو ئەم ب دل و جان چاڤەڕێی ڤەگەڕیانا وان یا ب ڕێز و سەرفرازی و ب سلامەتی بۆ سەر مال و حالێن وان دكەین سەرەڕای بەردەوامیا ئاستەنگ و ئالۆزیا بارودۆخی.
ئەڤ جەژنە د دەمەكێ هەستيار دا دئێت كو دەڤەر تێدا دەرباز دبت، ئەڤ چەندە مە هان ددهت كو تهكهزێ ل سەر ئهولهوياته زمانێ ديالۆگ و دانوستاندنێ ل پێشیا هەموو تشتەكی بت و پەنابرن بۆ ڕێيێن ئاشتیانە بۆ چارەسەركرنا كێشە و ناكۆكیان و كاركرن بۆ دابینكرنا ئاسایيش و سەقامگیریێ بۆ هەموو گەلان.
دوبارە پیرۆزباهييێن خۆ پێشكێشی وە دكەین و ژ خودایێ مەزن دخوازین ڤێ جەژنێ ب خێر و خۆشی و ئاشتیيێ بۆ هەموو لایەكێ بزڤڕینت.
سەرسالا وە پیرۆز بت و هەر سال ب خێر و خۆشی بكهن.
سعود مستۆ نەجيم
ڕێڤەبەرێ گشتی یێ كاروبارێن ئێزدیان
14/4/2026