ناڤەندا نووچەیان – سەما
ب هه‌لكه‌فتا جه‌ژنا ڕۆژيێن ئێزى، بابێ شێخێ ئێزديان سه‌ربارى پيرۆزباهيكرنێ، داخوازێ ل حكومه‌تێن هه‌رێما كوردستانێ، عيراقێ و جڤاكێ نێڤ ده‌وله‌تى دكه‌ت ره‌ڤانديێن ئێزدى ل سووريێ رزگار بكه‌ن.
سه‌باح سمير، به‌رپرسێ راگه‌هاندنا بابێ شێخێ ئێزديان بۆ سه‌ما راگه‌هاند: ب هه‌لكه‌فتا جه‌ژنا ڕۆژيێن ئێزى، بابێ شێخ ئه‌ڤ جه‌ژن ل ئێزديێن كوردستان، عيراق و جيهانێ پيرۆزكر و دياركر، ئه‌ڤه 10 ساڵ ل سه‌ر جينۆسايدا ئێزديان ل شنگالێ ده‌ربازبوون و هێشتا چاره‌نڤيسێ پترى 2هه‌زار ره‌ڤانديێن ئێزدى ژلايێ تيرۆرستێن داعشێ ڤه يێ ديارنينه و بێسه‌روشوونن.
گۆتژى: پشتى گوهۆڕينێن ڤێ داويێ ل سووريێ په‌يدابووين، ڕه‌نگه ره‌ڤانديێن ئێزدى ل گه‌له‌ك ده‌ڤه‌ران هه‌بن و بابێ شێخ خواست حكومه‌تێن هه‌رێما كوردستانێ، عيراقێ و جڤاكێ نێڤ ده‌وله‌تى دكه‌ت پێكۆلێن زێده‌تر بێخنه كار ژبۆلێگه‌ريانا ره‌ڤانديێن هه‌تا نوكه د ده‌ستێ تيرۆرستان دا ماين”.
به‌رپرسێ راگه‌هاندنا بابێ شێخێ ئێزديان ديار ژى كر، كه‌س وكارێن ره‌ڤانديێن ئێزدى چاڤه‌ڕێ رزگاركرنا وان دكه‌ن كو ب ديتنا هه‌ڤدو شاد ببن ڤه، هه‌روه‌سا بابێ شێخ دوپاتيێ ل ئاشكراكرنا چاره‌نڤيسێ ئه‌وان دكه‌ين و دخوازين ئه‌ڤ كه‌يسا مرۆڤى ل پێشيا هه‌ر كاره‌كێ بت.
تيرۆرستێن هۆڤێن داعشێ ل 3ى ته‌باخا 2014ێ ده‌ڤه‌را شنگالێ داگيركر، ژ ئه‌نجامێ هێرشێ پترى 300هه‌زار ئێزدى ده‌ربه‌ده‌ر و ئاواره‌بوون و 6417 كه‌س كه‌فتنه ده‌ستێ تيرۆرستان دا و لدووڤ ئاماران ل ڕۆژێن ده‌ستپێكێ يێن هێرشێ 1293 كه‌س هاتنه كوشتن.