ناڤه‌ندا نووچه‌یان – سه‌ما
ل ڕۆژا ٢٦ێ ئیلۆنا ٢٠٢٦ێ، میر حازم تەحسین بەگ، میرێ ئێزدیان ل كوردستان و عیراقێ و جیهانێ و سەرۆکێ جڤاتا ڕوحانییا ئێزدیان، ب هەڤالینیا خاتوونا ئێكێ یا ئێزدییان مه‌یان خەیری بەگ، ل باژێرێ میونخن یێ ئەلمانی دگەل جڤاکێ ئێزدی ل مەزارێ ئێزی کۆمبوو.
ل دەستپێکا کۆمبوونێ، میر حازم تەحسین بەگ پەیڤەک پێشکش کر و تێدا ته‌كه‌زی ل سەر پێگیریا خۆ ب بەرهنگاربوون و پاراستنا مافێن ئێزدیان و کەیسێن وان کرن، ب تایبەتی کەیسا شنگالێ.
میرێ ئێزدیان ئاماژە ب هەلوەستێ ئالۆز یێ ئێزدیان کر و گۆت: ڕەوشا ئێزدیان وەکی بەرییا سیهـ ساڵان نینە؛ ئیرۆ ئێزدی ل ناڤخۆ و ژ ده‌رڤه‌ی وەلاتی د ناڤبەرا گەلەک ئاستەنگ و ئاڵۆزیان دا دژین.
میر حازم به‌گی تەکەزی ل سەر هندەک ژ ئاستەنگێن ژ دەرڤه یێن رووبرووی ئێزدیان دبن كرن، وەک کێشەیێن جڤاکی.
هەروەسا ناڤهاتی بەحس ل گرنگیا مفا وەرگرتنێ ژ شیان و شارەزاییا گەنجێن ئێزدی ل دەرڤه‌ی وه‌لاتی کر، کو هژمارەک ژ وان گەهشتینە پلە و پۆستێن بلند.
ژ لایێ خۆ ڤە، مه‌یان خێری بەگ شیره‌ت و ڕاسپاردەیێن خۆ پێشکش کرن و تێدا ب توندی دژی توندوتیژیا دژی ژنان ڕاوەستا، و داخوازا ب کارئینانا دروست و بەرپرسانە یا تۆڕێن جڤاکی و ڕێزگرتن ل ئۆل و بیروباوەرێن ئۆلێن دی کر.
ل داویێ، ڕووناهیێ خستنە سەر پرسیارێن ئامادەبوویان، کو تێدا دانوستاندنێ هاتە ئەنجامدان و میر و هەڤژینا وی ب هووری بەرسڤا هەموو پرسیارێن ئامادەبوویان دان.