ناڤەندا نووچەیان – سەما
د چارچۆڤێ قارەمانیێن جیهانی یێن یارییا بۆکسینگێ دا، قارەمان و بوكسڤانێ ناڤدارێ کورد بادین حەسۆ، کو ب ناسناڤێ “شێرێ کوردستانێ” دئێتە نیاسین، خۆ بۆ ڕووبڕووبوونەکا مێژوویی و گرنگ بەرهەڤ دکەت.
بڕیارە ل ڕۆژا شەمبوویێ، 23ی ئهيارا 2026، بادین حەسۆ، ل باژێرێ ئوبەرهاوزن ل وەلاتێ ئەلمانیا بچتە د گۆرهپانا ههڤركييێ دا و د شەڕەکێ دژوار دا ڕووبروویى هەڤرکێ خۆ یێ مەکسیکی ڤیکتۆر رامۆس ببت و چاڤێ وى ل سهر ب دهستڤهئينانا ناسناڤهكى دى يه.
ئەڤ یارییا جیهانی سەرنجا گەلەک ژ حەزژێکەرێن ڤێ وەرزشێ ل سەر ئاستێ نێڤدەولەتی ڕاکێشایە.
میدیا و جەماوەرێ کوردستانێ ب گهرمى ڤە چاڤەڕێی ڤى دەستکەفتى نوو دکەن.
بادین حەسۆ، یاریزانێ بۆکسينكێ ژ دایکبوویێ 25ی تهباخا 1994ێ ل كۆمهلگهها شاريا سهر ب پارێزگهها دهۆکێ ڤه يه. د سالا 2005ێ دا دەست ب ئەڤێ یارییێ کرییە و كارييه د چەندین قارەمانیێن خوهجهی و نیشتمانی دا پشکداریيێ بکەت و ناڤێ خۆ د ناڤ وەرزشا بۆکسينا دەڤەرێ و جيهانى دا دیار بکەت.