ناڤهندا نووچهيان – سهما
هاريكارێ بهرپرسێ مهكتهبا ڕێكسختنا پارتی ل نهینهوا ڕاگههاند، سهركهفتنا پارتى ديموكراتى كوردستان يا مسۆگهره و چهندين خرڤهبوون بۆ پشتهڤانييا ليستا 275 دێ ئێنه ئهنجامدان.
چارشهمبوويێ، 22ـى چريا ئێكێ 2025، مهحموود ئێزدی، هاريكارێ بهرپرسێ مهكتهبا ڕێكسختنا پارتی ل پارێزگهها نهینهوا، بۆ سهما گۆت: بانگهشهیا ههڵبژارتنان ل سنوورێ پارێزگهها نهینهوا تا نوكه بێ ئاستهنگ و كێشه ب ڕێڤهدچت و ل سنوورێ ههردوو لقێن 14 و 17يێن پارتى بهرههڤيێن باش هاتينه كرن بۆ پرۆسهیا ههڵبژارتنان.
مهحموود ئێزدی ئاماژه ب وێ چهندێ دا، ليستا 275 يا پارتى ههموو پێكهاتهيێن دهشتا نهينهوا بخۆڤه دگرت و ئهو بهربژێرێن هاتينه بهربژاركرن جهێ باوهريا خهڵكێ نه و دێ بهرهڤانيێ ل ماف و داخوازيێن كوردان كهن.
دووپاتكر، دبهرنامه دا ل ڕۆژێن بێن چهند خرڤهبوونێن دى يێن جهماوهرى بۆ پشتهڤانييا ليستا پارتى بێنه ئهنجامدان، كو ليستهكا ب ڕێك و پێكه و دێ ئهنجامدان بدهستڤهئينت.
ل 3ـى چريا ئێكێ 2025، كۆميسيۆنا بڵندا سهربهخۆيا ههڵبژارتنان ل عێراقێ بانگهشهيا ههڵبژارتنان ڕاگههاند.
بڕياره ل ڕێككهفتى 11-11-2025، ههڵبژارتنێن پهرلهمانێ عێراقێ ب ڕێڤهبچن.