سهما – دلخواز خدر
دەمێ ئایین دبتە چەکێ دەولەتێن مەزن، مللەتێن بچووک دبنە قوربانی، شەڕێ چالدێران چەوا ژیانا ئێزدییان بۆ هەتاهەتایێ گوهۆڕی؟
ل سالا ١٥١٤ێ، شەڕێ چالدێران د ناڤبەرا عوسمانی و سەفەوییان دا ڕوو دا، ئەڤ شەڕە تەنێ بۆ داگیرکرنا ئاخێ نەبوو، بەلکو بۆ سەپاندنا مەزهەبێ دەولەتێ بوو، پشتی عوسمانییان سەرکەفتن ئینایی فەرمانەکا گشتی ل دژی هەموو کێمینەیان دەرکەفت کو نە ل سەر مەزهەب و دینێ وان بوون.
ئەڤ فەرمانە نە ب تنێ بۆ ئێزدییان بوو؛ پتر ژ ٤٠ هزار مرۆڤ ژ (عەلەوی، کاکەیی، و ئێزدییان) ب فەرمانا سولتان سەلیم هاتنە کوشتن.
چارەنڤیسێ ئێزدییان پشتی ڤی شەڕی گەلەک تێک چوو، میرگەهێن ئێزدییان یێن بهێز وەک “میرگەها داسنیا” هاتنە لاواز کرن و ئێزدییاتی ژ دەشتێ بەر ب چیا چۆ، کوردستان بوو دو پشک و ئێزدی د ناڤبەرا دو دەولەتێن ئایینی دا بێ پشت مان.
شەرێ چالدێران بوو دەرگەهێ فەرمانێن مەزن. ژ وێرێ و پێدە، ناسنامەیا ئێزدییان کەفتە بەر هێرشێن بەردەوام ئانکو “نەمانێ دە”.
پشتی شەڕی، ئێزدییان زەڤی و کێلگەیێن خۆ یێن زەنگین ژ دەست دان و کەفتنە بن باجێن گران، ئەڤە دەستپێکا قۆناغەکا تاری بوو کو سەدان سالان ڤەکێشا و ژیانا ئێزدییان ب درێژاهیا دیرۆکێ گهۆڕی.
ڕاستییا مێژوویێ ئەوە دەمێ ئایین دبتە چەکێ دەولەتێن مەزن، ملەت و گەلێن بچووک دبنە قوربانی.