ناڤەندا نووچەیان – سەما
ئيرۆ دووشهمبوويێ 13ـى نيسانا 2026، ليژنا ئامادەکرنا فەرهەنگا عێراقی بۆ ناڤێن جوگرافی گههشته پارێزگهها دهۆكێ و دگهل ئالييێن پهيوهنديدار كۆمبوو.
راگههاندنا پارێزگهها دهۆكێ دياركر، ب سەرپەرشتیا د.عهلی تهتهر، پارێزگارێ دهۆكێ و ب ئامادەبوونا سەعید ئەلجیاشی، ڕاوێژکارێ سەرۆکوەزیرێن عێراقێ و سەرۆکێ لیژنا فەرهەنگا عێراقی بۆ ناڤێن جوگرافی و رياز سهديق فرياد، ڕێڤهبهرێ جێبهجێكار ل دیوانا وهزارهتا نافخۆ یا حكۆمهتا ههرێما كۆردستانێ و شاندێ دگەلدا یێ پێكهاتی ژ هژمارهكا لایهنێن پهیوهندیدار یێن ههرێما كۆردستانێ و عێراقێ و دهڤهردارێن قهزا دهۆكێ و ڕێڤهبهرێن دامۆدهزگایێن جودا، كۆمبوونا ليژنا ئامادەکرنا فەرهەنگا عێراقی بۆ ناڤێن جوگرافی ل دیوانا پارێزگەهێ هاتە ئەنجامدان.
د كۆمبوونێ دا گوتۆبێژ ل سەر ڤی پڕۆژێ نیشتيمانی یێ کو ژ لایێ حکومەتا فیدرال ڤە ب هەماهەنگی دگەل حکومەتا هەرێما کوردستانێ بۆ هەموو پارێزگەهێن عێراقێ دئێتە بجهئینان هاتنه كرن.
پارێزگارێ دهۆكێ ئاماژە دا پێگەهـ و مێژوویا دێرینا پارێزگههێ و دیاركر، ئەرکێ لیژنێ یێ هەستیارە، لەوما پێدڤییە پشکدار هەریەک لدوف پسپۆڕیا خۆ، دهست بکارێن ئامادەکرنا فەرهەنگی ل سنوورێ پارێزگەها دهۆكێ بكهن پاش بهحس ل میکانیزما تۆمارکرن و کۆمکرنا داتا و پێزانینان بۆ جهێن مێژوویی جوگرافی و مرۆڤی لدوف ستانداردێن جیهانی هاتە کرن.
راگههاند ژى، پارێزگارێ دهۆكێ بڕیارا پێکئینانا لیژنەکا تایبەت دا بۆ دانانا نەخشەیان و دەستنیشانکرنا جهێن مێژوویی و کەلتووری ل سەنتەرێ باژێڕی و قەزا و ناحیە و گوندان و هەموو قایمقام و ڕێڤەبەرێن گشتی ژی ڕاسپاردن کو هاریکار و هەماهەنگ بن دگەل لژنا ناڤبری دا کو داتا و پێزانین ب شێوەیەکێ زانستی و هوور وەک خۆ بهێنە تۆمارکرن.