سه‌ما
ل باره‌گايێ كه‌ناڵێ سه‌ما ل دهۆكێ، خۆله‌كا ميديايى يا ئێك ڕۆژی بۆ بەرپرسێن به‌شێ ڕاگەهاندنێ ل تایی و نڤیسینگەهێن لالش هاته ل دارخستن.
ئيرۆ چارشه‌مبوويێ 18ى ئيلۆنێ، ب به‌رهه‌ڤبوونا به‌رپرسێن به‌شێ راگه‌هاندنا تايى و نڤيسينگه‌هێن لالش و ستافێ كه‌نالى، خۆله‌كا ميديايى يا ئێك ڕۆژی ل دۆر چاوانيا بهێزكرنا سۆشيال ميديايێ و سه‌رده‌میكرنا په‌یچێن لالش ب رێڤه‌چوو.
خۆل ژئاليێ دیزاینه‌رێ سه‌ما،جه‌نگیزعارف ڤه ب شێوێ تێورى و پراكتيكى هاته پێشكێشكرن و تێدا ب تێر و ته‌سه‌ڵى باس ل سۆشيال ميديا سه‌رده‌م و بهێزكرن و پێشڤه‌برنا په‌يچێن تايى و نڤيسينگه‌هان كر.
جه‌نگيز عارف، چاوانيا رێكێن بكارئينانا سۆشيالێ و پرۆگرامێن ديزاينكرنا بابه‌تان ب شێوه‌يه‌كى پرۆڤيشيناڵ شلۆڤه‌كر و دياركر، دنۆكه دا سۆشيال به‌رده‌وام دگوهۆرينێن نوودايه و پێدڤى يه ل سه‌ر مه وه‌ك راگه‌هاندنا لالش خۆ ل گه‌ل پێشكه‌فتنا ته‌كنه‌لۆژيايێ بگونجينين.
خۆلا ناڤبرى د ده‌مه‌كى دايه، كو به‌رپرسێن راگه‌هاندنا تايێن لالش شیانێن خۆ پێش بێخن ل ده‌مێ به‌لاڤكرنا كار و چالاكيێن خۆ يێن رۆژانه ل سۆشيالێ و په‌ياما خۆ بگه‌هيننه خه‌لكى.
بنگه‌هێ لالش گرنگیێ ده‌دته پێشڤه‌چوونێن ته‌كنه‌لۆژی و د پلان دایه راگه‌هاندنا خۆ بگه‌هیننه ئاسته‌كێ هه‌رى به‌رز و سه‌رده‌می بۆ خزمه‌تكرنا جڤاكا ئێزديان.
