ناڤەندا نووچەیان – سەما
بنگههێ لالش یێ رهوشهنبیری و كۆمهلایهتی ل دهۆكێ ب ههلكهفتا دهربازبوونا 37 سالان ب سهر شالاوێن ئهنفالا بههدینان پهیامهك بهلاڤكر.
ڕژێما گۆڕ و ب گۆڕ یا ژناڤچوویی یا بهعس د درێژهپێدهرا تاوانێن خوه دا، ل 25ی تهباخا ساڵا 1988ـێ ئێک ژ مەزنترین تاوانێن دژی مرۆڤایەتیێ ل دژی خەلکێ سڤیلێ دهڤهرا بههدینان ئەنجامدا كو د دیرۆكێ دا ب ئهنفالا بههدینان هاتیه تۆماركرن.
ئهم ب رێزهكا مهزن ڤه قوربانیێن ڤێ تاوانا مهزن ل بیر دئینین و ئارمانجا رێژێما بهعس یا ژ ناڤچۆیی جێنوسایدكرنا گهلێ كوردستانێ بوو ب ههموو پێكهاتان ڤه و جڤاکا ئێزدی، وەک بەشەک ژ پێکهاتەیێن کوردستانێ بوونە قوربانیێن سیاسەتێن پاکتاوکرنێ یێن رژێمێ و گەلەک جاران راستی زولم و زۆرداریێ بوون.
تێ زانین د ڤێ هێرش و پهلاماردانێ دا كو ب داوی قوناغا شالاوێن ئهنفالێ دهێـته هژمارتن، ب ههزاران خهلكێ بێ تاوانێن بههدینان هاتنه ئهنفالكرن و دههان ههزارێن دیژی ئاواره و دهربهدهر بوون و سهدان گوند ژی هاتنه تێكدان و ژ ئهنجامێ ب كارئینانا چهكێ قهدهغهكری دا زیانهكا مهزن ل دهڤهرێ كهفت.
ب ڤێ هەلکەفتا خەمگین زۆر ب توندی ڤێ کارەساتا دلتەزین رسوا و شەرمەزار دکەین و سەرەخۆشیێ ل تەڤایا خێزان و بنەمالێن ڤێ کارەساتا دلتەزین دکەین و داخوازێ ژ ئەزدایێ دلۆڤان دکەین گیانێ وان یێ پاقژ ل بەهشتا بەرین شاد بکەت.
نەمری بۆ شههیدان و سهركهفتن بۆ گهلێ كوردستانێ.
بنگههێ لالش يێ ڕهوشهنبيرى و كۆمهڵايهتى/دهۆك
25-8-2025