ناڤه‌ندا نووچه‌يان – سه‌ما
بەردەوامیدان ب چالاکیێن پێنج شەما ڕەوشەنبیری، ئيڕۆ 12ـی حوزه‌يرانا 2025، بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ ڕوونشتنەکا ڤەکری ل دۆر “رۆلێ شێخ حەسەنێ ئادیا ل ئۆلا ئێزدیاتیێ دا” بۆ نڤيسه‌ر شه‌مۆ قاسم رێکخست.
وه‌كو ڕێزگرتن بۆ گيانێ جانگۆريێن كوردستانێ سه‌روه‌رێ وان بارزانيێ نه‌مر و ئدريسێ جوانه‌مه‌ر‌گ، ئاماده‌بوويى خۆله‌كه‌كێ سه‌كنين.
لدووڤدا نڤيسه‌ر شه‌مۆ قاسم ڕۆلێ شێخ حەسەنێ ئادیا ل ئۆلا ئێزدیاتیێ دا به‌حسكر و دياركر، ل سه‌دێ دوازدێ گه‌له‌ك میرگه‌هـ ل كوردستانێ هاتنه ئاڤاكرن و هه‌ر میرگه‌هه‌كێ كاروبارێن خۆ ب ڕێڤه‌دبرن و میرگه‌ها ئادیان یا ئێزدیان ئێك ژ وان بوو.
ديار ژى كر، ل سه‌رده‌مێ شێخ حه‌سه‌ن ڕۆله‌كێ كاریگه‌ر د نووژه‌نكرن و زندیكرنا بیروباوه‌رێن ئێزدیاتیێ دا گێڕایه و ل مووسلێ خواندیه و گه‌له‌ك حه‌ز ژ خواندنێ و نڤیسينێ دكر.
ئامادەبوويان ب بیر وبۆچوون وپرسیارێن خۆ بابەت دەولەمەندترکرن و چه‌ند پرسيار ئاراسته‌ى نڤيسه‌ری كرن و هه‌موو هاتن به‌رسڤدان.
بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ ل هه‌موو ڕۆژێن پێنج شه‌مبا مژاره‌كا گرنگ ل دۆر ڕه‌وشا ئێزديان بۆڕه‌وشه‌نبيران رێكدئێخت و تێدا دانوستاندن ل سه‌ر دئێته كرن.
