ناڤەندا نووچەیان – سەما
ئیرۆ چارشەمبێ، 22ی تەمووزا 2026ێ، جڤاتا وەزیران ب سەرپەرشتییا مەسرور بارزانی، سەرۆکێ حکومەتا هەرێما کوردستانێ دێ کۆم بت.
د کۆمبوونێ دا، سێ تەوەرێن سەرەکی دێ ئێنە بەحس کرن:
1. ل سەر پێشنیارا وەزارەتا ناڤخۆ، بڕیار دەربارەی درێژکرنا ماوەیێ کارکرنێ ب بڕیارا ئەنجومەنێ وەزیران، یا تایبەت ب لێخۆشبوونا سزایێ سەرپێچیا هاتنوچۆیێ دێ هێتە دان.
2. ڕاپۆرتەک دەربارەی رەوشا کارەبێ و سۆتەمەنیێ ل هەرێما کوردستانێ و پێنگاڤێن هەروو وەزارەتێن (کارەبێ و سامانێن سروشتی) د ڤی واری دێ هێتە پێشکێشکرن. هەروەسا دەربارەی پێشنیارا داشکاندنا ڕێژەیەکێ ژ پارەیێ کۆمڤەبوویێ کارەبا وەڵاتییان بڕیار دێ هێتە دان.
3. گۆتۆبێژ ل سەر چەند ڕاسپاردەیێن سەرۆکایەتیا دیوانا ئەنجومەنێ وەزیران، تایبەت ب ڕێکخستنا مۆڵەتا بێمووچە یا فەرمانبەرێن هەرێما کوردستانێ دێ هێتە کرن، کو پێشتر ب بڕیارا ئەنجومەنێ وەزیران هاتییە ڕێکئێخستن.