ناڤەندا نووچەیان – سەما
بوكسڤانێ ئێزدى بادين حهسۆ زۆزانى، قەهرەمانێ جیهانی يێ ناڤدار ب (شێرێ كوردستانێ) دێ ڕووبروويى قەهرەمانێ ئەلمانی یێ جیهانی داڤید کێرکمان ببت.
ئيدريس زۆزانى، بابێ بادينى بۆ سهما دياركر، سبهى ئينيێ، 17ـى تهمموزا 2026، قەهرەمانێ جیهانی یێ ژێهاتی بادین حەسۆ یێ ناڤدار ب شێرێ کوردستانێ يارييهكا گرنگ ل باژێرێ هامبۆرک ل وەلاتێ ئەلمانیا ههيه.
دهربارهى ههڤركێ وى و گرنگیيا ئهڤێ یارییێ گۆت: د ڤێ یاريیا جیهانی دا شێرێ كوردستانێ دێ ڕووبروویی قەهرەمانێ ئەلمانی یێ جیهانی داڤید کێرکمان بت ل سەر کەمبەرا زێرین ل باژێرێ هامبۆرک ل وەلاتێ ئەلمانیا.
بادین ئیدریس حەسۆ، خهلكێ كۆمهلگهها شاريا يه و تەمەن 31 ساله، نهۆ ل ئهلمانيا دژيت، ئهو بۆکسڤانهكێ خودان شيانه و ل سەر ئاستێ ئەلمانیا و ئەورۆپا ناڤودهنگيبا خۆ ههيه.