سهما – هەولێر
پشتی ئەنجامدانا کۆمبوونەکا ڕاوێژکاری د ناڤبەرا نونەرێن ڕێکخراوێن جڤاکێ سڤیل یێن پێکهاتەیێن نەتەوەیی و ئۆلى یێن كوردستانێ، بەیاننامەیەکا هەڤبەش دەربارهى ڕەوشا نۆکە و پێشهاتێن داویيێ ل هەرێما کوردستانێ بەلاڤ کرن.
د وێ کۆمبوونێ دا کو ل ڕێكکەفتی 31-3-2026ێ هاتیە ئەنجامدان، پشکداران تهكهزی ل سەر چەند خالێن گرنگ کر.
خالێن كۆمبوونێ:
-پێکهاتەیێن کوردستانێ ب توندی ئیدانەیا وان ئێرش و پەلامارێن ژ لایێ گرۆپێن توندڕەو و دەرڤەی یاسایێ ڤە دبنە سەر هەرێما کوردستانێ و هێزێن پێشمەرگەی کر، ب تایبەتی ئەو ئێريشێن دئێنە سەر باژێڕێ هەولێرێ. هەروەسا ئیدانهیا ئێرشا ل سەر مالا نێچیرڤان بارزانی، سەرۆکێ هەرێما کوردستانێ کر.
-د پشکەکا دی یا بەیاننامەیێ دا هاتە دیارکرن کو حکومەتا عێراقێ بەرپرسیارا پاراستنا سەروەریا وەلاتی و ڕێگریکرنێ یە ژ وان ئێرشێن نەهەق یێن دئێنە سەر هەرێمێ. داخواز ژی هاتە کرن کو ئالیێن پەیوەندیدار ل بەغدا قەرەبوویا وان وەلاتی و جهێن زیانڤێکەفتی بکەن یێن کو ژ ئەگەرێ ڤان ئێريشان زیان گەهشتیيێ.
-نوونەرێن پێکهاتەیان پشتهڤانيیا خۆ بۆ هەلوهستێ حکومەتا هەرێما کوردستانێ دوپات کر، ب تایبەتی د پاراستنا ئاشتی، سەقامگیری و کهلتوورێ پێكڤەژیانێ دا.
-د داويیا بەیاننامەیێ دا، تەكەز ل سەر ئێکڕێزی و ئێکگرتنا هەموو ئاليیێن سیاسی هاتە کرن. ئاماژە ب وێ چەندێ هاتە دان کو د ڤێ ڕەوشا هەستیار دا، ئێکڕێزی پێدڤیاتیيەکا هەری سەرەکی و فەرە.
