سه‌ما
رێڤه‌به‌رێ كۆچ و كۆچبه‌ران و به‌رسڤدانا قه‌يرانا ل پارێزگه‌ها دهۆكێ راگه‌هاند، به‌رهه‌ڤيێن ته‌مام بۆ وه‌رزێ زڤستانێ و رێگريكرن ل له‌هيان ب تايبه‌ت ل كه‌مپێن ئاواره‌يان هاتينه كرن.
پير ده‌يان جه‌عفه‌ر، هه‌ر ساڵ ل مه‌ها نه‌هـ دا به‌رهه‌ڤيێن خۆ بۆ وه‌رزێ زڤستانێ ل كه‌مپان دا دكه‌ين، بۆ هندێ پتر خزمه‌تا ئاواره‌يان بكه‌ين و تووشى چ كێشه‌يان نه‌بن، دنها دا مه ب نڤيساره‌كا فه‌رمى داخواز ل وه‌زاره‌تا كۆچ و كۆچبه‌رێن عيراقێ كريه گازا سپى بۆ ئاواران دابين بكه‌ن.
رۆنكر ژى: يه‌ك ژ داخوازيێن مه ل وه‌زاره‌تا كۆچبه‌رێن عيراقێ ئه‌وه ب كارێ گوهۆڕينا خيڤه‌تێن ئاواره‌يان ل كه‌مپان ربن، ژبه‌ركو گه‌له‌ك خيڤه‌ت كه‌ڤن بووينه و ب كێر ژيانێ نائێن.
دوپاتكر، وه‌كو حكومه‌تا هه‌رێما كوردستانێ يا دشياندا بت بۆ خزمه‌تكرنا ئاواره‌يان ل كه‌مپان دێ كه‌ت.
ل سنوورێ پارێزگه‌ها دهۆكێ 14 كه‌مپێن ئاواره‌يان هه‌نه و هه‌موو ژى خه‌لكێ شنگالێ نه پشتى هێرشا تيرۆرستێن داعش ل 3ى ته‌باخا 2014ێ بۆ سه‌ر شنگالێ ئاواره‌ى هه‌رێما كوردستانێ بوون.