ناڤەندا نووچەیان – سەما
ئيرۆ پێنج شەمبوويێ، 16ـی نیسانا 2026، سەرۆک بارزانی، ل 39ههمین ساایادا کیمیابارانكرنا بالیسان و شێخ وەسانان پەیامهك بهلاڤ کر و تێدا هاتييە، ڕژێما پێشتر يا عێراقێ تاوانهكا دى ل دژی گەلێ كورد ئەنجام دا كو پێكهاتبوو ژ كیمیابارانا بالیسان، شێخ وەسانان و دۆلا خۆشناوەتی.
دەقێ پەیاما سەرۆك بارزانی:
ب ناڤێ خۆدایێ مەزن و دلوڤان
ل 16ی نیسانا 1987ێ، ڕژێما پێشتر یا عیراقێ تاوانەكا دی ب دژی گەلێ كوردستانێ كر كو پێكهاتبوو ژ كیمیابارانا بالیسان، شێخ وەسانان و دۆلا خۆشناوەتی، ئەو تاوانە بۆ ئەگەرێ شەهیدبوون و برینداربوونا ژمارەیەكا مەزن یا وەلاتییێن بێ تاوان یێن دەڤەرێ، ئەڤ تاوانە دەستپێكا پرۆسەیا كیمیابارانكرنا وەلاتییێن سڤیل و بەردەوامبوونا سیاسەتا ژێبرنا گەلێ مە بوو، ڕژێم هەرب وێ تاوانێ نەڕاوەستییا و دەهان بریندارێن ئەوێ كارەساتێ ژی پشتی دەستەسەركرنێ ب شێوەیەكێ دڕندانە ب ساخی بن ئاخ كرن.
ل 39 سالییا ئەڤێ تاوانا نەمرۆڤایەتی، سلاڤان بۆ گیانێ پاقژێ شەهیدێن وێ كارەساتێ دهنێرین و هەڤسوزێن خێزان و كەسوكارێن واینە، بیرهاتن و ئازارێن ڤێ تاوانێ و هەموو وان كارەساتێن ب سەر گەلێ كورد هاتین چ جاران ژبیرناكەین.
مەسعود بارزانی
16ی نیسانا 2026ێ