ناڤەندا نووچەیان – سەما
نوونهرێ كۆتايا ئێزدييان ل پەرلەمانێ عێراقێ، ئەندازیار خالد سهیدۆ عزێر، پشتەڤانییا خۆ یا تەمام بۆ ئەوێ هەوا سەرۆکوەزیرێن عێراقێ بۆ بهرههنگاربوونا گەندەلیيێ ڕاگەهاند، دوپاتكر کر کو قەزا شنگالێ ئێک ژ وان دەڤەرانە کو پترترین زیان ژبەر کریارێن گەندەلیيێ و دزینا دراڤێ بۆ ئاڤهدانکرنێ هاتینە تەرخانکرن دیتینە.
خالد سهيدۆ، نوونهرێ كۆتايا ئێزدييان ل پەرلەمانێ عێراقێ تايبهت بۆ سهما ڕاگههاند ” قەزا شنگالێ هێشتا د ڕەوشەکا کارەساتبار دا دژیت و ژ بەری 12 ساڵان وەرە وەکو “دەڤەرەکا کارەساتبار” دئێتە ناسین، و ئاماژە ب هندێ کر کو كهيسا ئاڤهدانکرنا قەزایێ ژ ڕوودانێن سالا 2014ێ وەرە هەلاویستی یە، و چ پێشڤەچۆنەکا بەرچاڤ ب خۆڤە نەدیتییە کو ڕەنگدانەڤهيا وان بوودجەیێن بۆ هاتینە دیارکرن بت. ”
رۆنكر ژى: دراڤ هاتینە ب هەدەر دان و دزین، و ئاماژە هەنە ل سەر دهستێوهردانا هندەک کەساتییان ژ دەرڤە و ناڤخۆیا شنگالێ د ڤان كهيسان دا. بزاڤا ئاڤهدانکرنا قەزایێ ب چ ڕەنگان د ئاستێ پێدڤی دا نەبوویە، و ئەگەرێ سەرەکی ژی گەندەلی بەلاڤ بوویە.
ئاماژه ب وێ چهندێ كر، ناڤێن تۆمەتبارێن گەندەليیێ ل پارێزگهها نەینەوا ل بەردەستن، و دیار کر کو دەزگەهێن پەیوەندیدار ژمارەک ژ وان دەستەسەرکرینە، د دەمەکى دا کو دادوەرییا عێراقێ بەردەوامە د ڕێکارێن خۆ یێن یاسایی دا بۆ لێپرسینێ دگەل توهمهتباران.
د داویيا ئاخڤتنا خۆ دا گۆت: “وەکو پەرلەمانتارەکێ پێکهاتەیێ ئێزدی، پشتەڤانییا مە یا بێ مەرج بۆ هەوا سەرۆکوەزیران بۆ لێدانا پێگەهێن گەندەلیيێ نوو دکەمەڤە، و داخواز دکەین كهيسێن شنگالێ ب زووترین دەم بێنە ڤەکرن دا کو ماف بۆ خەلکێ بێتە زڤراندن و باژار بێتە ئاڤهدان کرن.”