سه‌ما
به‌رپرسێ لقێ 17 يێ پارتى راگه‌هاند؛ پارتى دخوازيت ره‌وشا شنگال ئارام بت و خه‌لك ل كه‌مپان ب سه‌رفه‌رازى ڤه‌گه‌رنه ده‌ڤه‌رێن خۆ، گۆتژى: تاكه چاره‌سه‌رى بجهئينانا رێككه‌فتنا شنگالێ يه.
ئێڤارييا ئيرۆ 26ى ئيلۆنا 2024ێ، دچارچۆڤێ مژارا پێنج شه‌ما ره‌وشه‌نبيرى دا ل بنگه‌هێ لالش ل دهۆكێ، ب به‌رهه‌ڤبوونا كۆمه‌كا كه‌سايه‌تى ، ئه‌كاديمى و ره‌وشه‌نبيران ، دانوستاندنه‌كا ڤه‌كرى ل دۆر “ره‌وشا شنگال به‌ره‌ف كوڤه” بۆ نازم هه‌ركى، به‌رپرسێ لقێ 17 يێ پارتى ل شنگالێ هات رێكخستن.
نازم هه‌ركى، به‌رپرسێ لقێ پارتى باس ل ره‌وشا شنگال به‌ره‌ف كوڤه، نێرينا پارتى چى يه و هه‌لويستێ ده‌ڤه‌رێ كر و دياركر، ژ ئه‌نجامێ ململانێيا سياسى ئه‌وا ل شنگال دئێته كرن خه‌لكێ بێ گونه‌هـ دبته قوربانى.
هه‌ركى ئاشكراكر: پارتى ديموكراتى كوردستان دخوازيت ره‌وشا شنگال ئارام بت و خه‌لكێ شنگالێ ل كه‌مپان ب سه‌رفه‌رازى ڤه‌گه‌رنه سه‌ر جى و وارێن خۆ ڤه.
ناڤبرى باس ل هێزێن نه ياسايى ل وێ ده‌ڤه‌رێ كر و گۆت:تاكه چاره‌سه‌رى ب جهئينانا رێكه‌فتنا شنگالێ يه بۆ ئاساييكرنا ره‌وشا ده‌ڤه‌رێ.
ل سه‌ر ڤێ مژارێ ئاماده‌بوويان بير و بۆچونێن خۆ پێشكێشكرن و ژئاليێ به‌رپرسێ لقێ ڤه هاتن به‌رسڤدان.
لدوڤ به‌رنامه‌كێ دارێتى يێ ده‌سته‌يا بنلدا بنگه‌هێ لالش ل دهۆكێ،ل هه‌موو رۆژێن پێنج شه‌مبا مژاره‌كا گرنگ ل دۆر ره‌وشا ئێزديان بۆ ره‌وشه‌نبيران دئێته ل دارخستن.
