سه‌ما
کارۆخ عه‌بدوڵڵا گوڵاوی، نوونه‌رێ گشتی یێ مامۆستایێن وانه‌بێژان راگه‌هاند، ئیرۆ دووشه‌مبوويێ 16 ئيلۆنا 2024ێ، فه‌رمانا گرێبه‌ستكرنا 38 هه‌زار مامۆستایێن وانه‌بێژ ژ لایێ دیوانا ئه‌نجوومه‌نا وه‌زیران ڤه هاته ئيمزاكرن.
کارۆخ عه‌بدوڵڵا گۆتژى: ژ ڤێ مه‌هێ يا ئيلۆنێ و پێڤه، مووچێ مامۆستایێن وانه‌بێژ كو هژمارا وان 38000 هه‌زارن دێ مووچێ مه‌هێن وه‌ک مووچێ مامۆستایێن گرێبه‌ست ئێته دابه‌شکرن و ل 1ى 9ى 2024ـێ، ئێکه‌م مووچێ گرێبه‌ست دێ ئێته دان، کو دێ ژ 400 هه‌تا 500 هه‌زار دیناران بت.
راگه‌هاند ژى: لیست و ناڤێن مامۆستایان دێ بۆ وه‌زاره‌تا دارایی یا هه‌رێما کوردستانێ ئێنه هنارتن دا کو مووچه بێته به‌ستن و پاشی دگه‌ل وه‌زاره‌تا په‌روه‌ردێ بێته دابه‌شکرن.
نوونه‌رێ گشتيێ مامۆستايێن وانه‌بێژ ديار ژى كر، ل سەر راسپاردەیا مەسروور بارزانی، سەرۆکێ حکومەتا هەرێما کوردستانێ ماموستایێن وانەبێژ بوونە گرێبەست و ژ 1-9-2024ێ دێ وەک گرێبەست هێنە هەژمارتن.
ئالان حه‌مه‌سه‌عید، وه‌زیرێ په‌روه‌رده‌يا حكومه‌تا هه‌رێما كوردستانێ، ل تۆڕا جڤاکی یا فه‌یسبۆکێ به‌ڵاڤکر، کو ئومێد سه‌باح، سه‌رۆکێ دیوانا ئه‌نجوومه‌نا وه‌زیران، ب نڤیسارا فه‌رمی لیستا مامۆستایێن گرێبه‌ست بۆ وه‌زاره‌تا دارایی و ئابووری شاندیه دا کو رێککارێن پێویست بێنه ته‌مامکرن.
مه‌سروور بارزانی، سه‌رۆکێ حکوومه‌تا هه‌رێما کوردستانێ، ب فه‌رمانا ژماره (4142) ل 28ى ته‌باخا 2024ێ، فه‌رمانا ب گرێبه‌ستكرنا وانه‌بێژان ده‌ركر.