به‌رپرسه‌ك: باشتره ئاواره ڤه‌گه‌رن و مه‌ترسیا گوهۆرینا دیموگرافی هه‌يه
باسنيوز:
جێگرێ پارێزگارێ نه‌ینه‌وا دیاركر:” ڤەگەڕیانا ئاواران ب شێوه‌کێ ئارەزوومەندانە دەست پێکریە و ئاواره حه‌ز دكه‌ن کۆ ڤه‌گه‌رنه سه‌ر مالێن خۆ و پێتڤیه حكومه‌تا عێراقێ پتر هه‌ڤكاریا ئاواران بكه‌ت بۆ ڤه‌گه‌راندنا شنگالێ”.
عه‌لى عومه‌ر، جێگرێ پارێزگارێ نه‌ینه‌وا بۆ (باسنیوز) راگه‌هاند، حكومەتا عیراقێ بریار دایه كو هه‌ر خێزانه‌كا ڤەگەڕیت دێ كۆژمێ چار ملیۆن دیناران وەرگریت دگه‌ل پێتڤیێن ناڤمالێ كو وەزارەتا كۆچ و كۆچبەرێن عیراقێ، بریار دایه هەتا 30-07-2024 هه‌مى کەمپێن ئاواران ل هەرێما کوردستانێ بهێنە دائێخستن و ئاوارە ڤەگەڕن، نوكه ئاواره ئاره‌زوومه‌ندانه ڤه‌دگه‌رن و هه‌ر ئاواره‌كێ بڤێت ڤه‌گه‌ریت هه‌ڤكاریا وێ دهێته كرن یێ نه‌ڤێت ژى ڤه‌گه‌ریت ناڤ كه‌مپاندا دمینیت”.
ئاشكرا كر كو، گه‌له‌ك باشتره ئاواره ڤه‌گه‌رن ژبه‌ركو مه‌ترسیا گوهۆرینا دیموگرافیێ ل شنگال هه‌یه و پێتڤیه خه‌لك ڤه‌گه‌رنه سه‌ر ئاخا خۆ و ده‌ست ب ژیانا خۆ یا نورمال ل شنگالێ بكه‌ن”.