چلێ هاڤینێ و (چلەگر) د باوەريا ئێزديان دا
مەھدی حەسەن موراد
چلێ ھاڤینێ ژ (۱۱)ی خزیرانێ دەستپێدكەت و ل (۲۰)ی تیرمەهێ ب هژمارا رۆژهەلاتی ب داويى تێت ئانكو (٢٤) خزیرانێ دەست پێ دکەت وهەتا( ۲ )تەباخێ ب هژمارا زاینی ، ئانکو (٤٠ )رۆژن دبێژنێ چلێ ھاڤينێ ئەڤ چلە ب دەمی ڤه د گرێداینە د ڤان رۆژێن گەرم و درێژ دا زەلامێن ئۆلی و هەر ئێزدییەکی بڤێت چل رۆژی یان ژبۆ خودێ دگرت ،د باوەريا مە ئێزديان چلێ ھاڤينێ و چلێ زڤستانێ گرنگيەكا مەزن ھەيە ھەر چەندە نە فەرزن بەلكى خێرن بەس خێرەكا مەزن د ھێتە حسابێ بو ھەر مرۆڤەكى ئێزدى ڤان رۆژيێن چلێ زڤستانێ وچلێ ھاڤينێ بو دەمێ (٢٠) سالا ب رۆژى بت د بێژنێ (چلەگر) ئەو كەسێن چل رۆژێن چلێ ھاڤينێ و زڤستانێ ب رۆژى دبن و خۆ خەولە دكەن ژ بۆ پەروەرستەبوونێ و دوعا كرنێ ، ل ھەر چل رۆژ و شەڤێن رۆژيا ، خۆ ژ خوشى و لەفزەتێن دنێ دوور د كەن د باوەريا مە ئێزديان دا ھەر كەسێ ڤان رۆژيان ب دروستاھى بڤى رەنگى بگرت روحا وى د بتە بەھشتى ب بەھشتا بەرين دێ شادبت،رێ و رەسمێن دەسپێكرنا رۆژيا ئێكێ ل پەرستگەھا لالش د ھێنە كرن ل ھێڤارا رۆژيێن چلێ ھاڤينێ جڤاتا روحانى و ھەر چلەگرەكى ل دەڤەرێ و کەسەکی نێزيكى پرستگەھا لالش ژ شكەستى و زانايێن ئێزديان ئەڤێن ناڤێ چلەگريێ ل سەر ل رێ و رەسمێن دەسپێكا گرتنا رۆژێن چلێ ھاڤينێ حازردبن دگەل بابا شێخ و وجوقەتا وى پشتى ھێڤارى و شيڤ خارنێ ل لالشا نورانى ل چلەخانێ كوم دبن و دوعايەكا پێكڤە د كەن دناڤا چلەخانێ وھندەك ئاخ ژ چلەخانێ دگەل خۆ ھەلگرن بخو و ھندەكێ بۆ وان ھەڤال و شكەستى يێن حازرنەبى و د ڤێن ب روژى بن ھندەك ئاخێ بو وان د گەل خو د بەن ، رۆژا ئێكێ ل لالش د مينن و ھێڤارى ھەر كەسەكى بمينت دروستە و كەسێ بڤێت دێ ھێتە مال ژى فتاربت دێ چل رۆژێن ديتر ل مال تەمام كەت ،ديسا ل ھێڤارا چل رۆژى دێ ھندەك رێ و رەسمێن ديتر ھێنە گێران و رۆژا چلێدبتە چەژن .
ھەر وەکی ڤان سەبەقا ژ ئەدەبێ دینێ ئێزدیان دبێژت:
مەلەک فەخرەدین دەنگ ھلتینە
ھنجیێ خاترا من تێ ببینە
دلێ چللە گرە نا ئیشینە
چللە گر ب رۆژينە
فەرز ێن خۆ ب جی تینە
ئەون جندیێن سلتینە
بشەڤ رۆژ ب رۆژینە
ئەوان فتار نینە
ئەو جندیێن سلتان ئێزینە
ھەر بوزانین پشتی چللە دەست پێ دکەت ل رۆژانێن چلەی ھەر رۆژ گوندەک قەستا بەر سجادا مەلک فەخردین د کەن و دچنە سەر چلەیێ بابا شێخ و ھندەک ژ خێر و خێراتێن گوندی د گەھینن جھێ بابا شێخ لێ ئاکنجی بەر سجادێ ، داکو بڤێ ھەلکەفتێ . رۆژێن پیرۆز خێرەک ب گەھت گوندیا و ئێزدیان و دوربن ژ قەدا و بەلا یە و داخازێ ژ بابا شێخ دکەن دوعایەکێ بۆ گوندێ وان ب کەت داخازا تفاق و تەبایێ ژ بو گوندیا بکەت، لدوماهیکا رونشتنا گوندیا ل گەل بابا شێخ و پێکڤە زادەکی دخون بابا شێخ ژی بەراتەکێ پێشکێشی مجێورێ گوندی د کەت و دگەل دانا بەراتێ ئەڤێ دوعا یا ئیختیارێت ب سور و كەرەم و رۆناھی بۆ مجێوری و ریھسپی و گوندیا د بێژت
یا خودێ توو ب دەیە خاترا ناڤێ خۆ
خاترا خودان خاترا خاترا عەزیز یا خۆ
خاترا وان ئێ ل نك تە ب خاتر
خاترا چلێ عەردا چلێ عەسمانا
خاترا چلێ شیخادی چلێ مەلك شێخ سن
خاترا چلێ داود چلێ بازید
خاترا چلێ كانیا سپی
خاترا چل مێرێت ل بەر سجادا مەلك فەخرەدین
ڤێ چلێ هاڤینێ توو دەریەكی خێرێ دەریەكی رەحمێ ڤەكەی ل ڤێ دنیایێ و ل حالێ ئێزدیا ب پرسی و تفاقەكێ د ناڤ ئێزدیاكەی و سوڕ و كەرەمێت باتنی ل ئێزیدخانێ ڤەگەرینی و چرایێ لالشێ و چرایێ ئێزیدخانێ و ھەر ھەفت زێوێت مەرگەھا شیخادی گوڕی و رۆناھیكەی و ئختیارێت مخفی سوڕ داھر و باقی كەی دلێ مە و ئێزیدخانێ پێ خۆشی و شاھی كەی-
سعود و خەلاتێت باتنی ل ئێزیدخانێ
ڤەگەرینی زوو نەدەرەنگ
ژێدەر:
پەرتۆكێن پەروەردا ئێزدیاتیێ.
مامۆستایێ ئایينی پیر خەلات ئەلياس
