بارانا هاڤینێ
میان خێری بەگ
چلێ گەرما هاڤینێ یە
و چبكێن بارانێ بێهنا مرنێ
ژ ئاخا پۆركێ دئینن
مینا گاڤا گشكێ هزرێت رەسەن
تەرت و بەلاڤ كرن
ئەڤە نە بارانا بەری یا
و نە یا دوماهیێ یا
ڤێجا وەرن ئەم یەك بگرن
خوە ل بەر بگرن
هەكە خێرا
هەكە شەرا
مافێ وندا گران بارا
ب چ شێوازی
ب خوەزی و رازی
یان ب شەر و گازی
یان ب ژیری
ب دبلۆماسی و سەر بەرزی
ئێدی بەسە كیر گهشتا هەستی
تەڤ خەراب و باش
خوە نەدن پاش
ئەزێ ئیرۆ پەیامە چارەنفیسێ خوە و وە دم
وەرن ئەم سەرێ خوە بدن و سورا خوە نەدن
سنورا بەر نە دن
بەس هیسترا لسەر رەفاندیا برژن
بلا دروشم و هێمایێت ئێزدیاتیێ لسەر وە بهەژن
و ب هاوارا وان ڤە میرخاس بچن
بەر ب ئێزدخانێ ڤە بمەشن
بەسە بێ دەنگی
بەسە گاڤێت پاشدا رەڤی
بژیت ئێزدیخان
بژیت هەست و وژدان
بژیت ئینسان
بژیت پێكڤەژیان
و وەك هەڤی