بۆ كاركرنا زاڕۆیان ئیراق ل رێزبه‌ندییا چارێ یا وه‌لاتێن جیهانێ یه
گاڤ
ناڤه‌ندا ستراتیژى یا مافێن مرۆڤى ل ئیراقێ راگه‌هاند، ل سه‌رانسه‌رى جیهانێ 200 ملیۆن زاڕۆ دبن ژیێ 17 سالیێ دا و د سه‌ر ژیێ 6 سالیێ دا كار دكه‌ن و ئیراق ل رێزبه‌ندییا چارێ یه.
ره‌وشا نه‌ئارام یا ژیانێ، لاوازییا بارێ ئابۆرى پترییا خێزانێن ئیراقێ ڤه‌گه‌ڕتییه و پترییا خێزانێن ئیراقى زاڕۆیێن خۆ بۆ ده‌بارا ژیانێ دده‌نه كارى و نه‌چارن، ل ده‌مه‌كى ل گۆڕه‌یى قانوونا ئیراقێ زارۆیێن دبن ژیێ 15 سالیێ دا قه‌ده‌غه‌یه كار بكه‌ت.
ناڤه‌ندا ستراتیژى یا مافێن مرۆڤى ل ئیراقێ دبێژیت: ل سه‌رانسه‌رى جیهانێ 200 ملیۆن زاڕۆ دبن ژیێ 17 سالیێ دا و د سه‌ر ژیێ 6 سالیێ دا كار دكه‌ن و ئیراق ل رێزبه‌ندییا چارێ یه و 85%ێ یا زاڕۆیان ل ده‌ما كاركرنێ هه‌ست ب ئارامى و سلامه‌تیێ ناكه‌ن و گه‌له‌ك جاران ژى ل سه‌ر جادده‌یان د نڤن.
راپۆرتێ دیاركریه، یه‌مه‌ن ل رێزا ئێكێ و سوودان ژى ل رێزا دووێ، هه‌روه‌سا مسر ل رێزا سێ یێ و ئیراق ژى ل رێزا چارێ دهێت بۆ كاركرنا زارۆیان ل سه‌ر جادده‌یان.
