“دانانا قايمقامێ شنگال دێ لدووڤ ڕێككه‌فتنه‌كا سياسى بت”
باسنيوز:
جێگرێ پارێزگارێ نه‌ینه‌وا دیاركر:” نزیكێ 6 كه‌سان خۆ بۆ پوستێ قایمقامیا شنگال به‌ربژێر كریه و جڤاتا پارێزگه‌ها نه‌ینه‌وا ده‌نگدان ل سه‌ر قایمقامی پاشئێخستیه و پێتڤیه قایمقامێ قه‌زا شنگال ل دیف رێكکه‌فتنه‌كا سیاسى بهێته دانان”.
عومه‌ر عه‌لى، جێگرێ پارێزگارێ نه‌ینه‌وا بۆ (باسنیوز) راگه‌هاند:” قایمقامێ شنگال نوكه ب وه‌كاله‌ت دهێته برێڤه‌برن و دانانا قایمقامه‌كێ بۆ شنگال گه‌له‌ك گرنگه دڤێ قۆناغێ دا ژبه‌ركۆ حكوومه‌تا عێراقێ ب تایبه‌تى وه‌زاره‌تا كۆچ و كۆچبه‌ران ل عێراقى یا رژده کۆ هه‌می كه‌مپێن ئاواره بهێنه دائێخستن و ئاواران ڤه‌گه‌رن و ره‌وشا شنگالێ هێشتا باش نینه ب تایبه‌تى ژى د وارێ ئاڤه‌دانى و ته‌ناهییێ دا گه‌له‌ك هێز و گرووپ ل شنگالێ هه‌نه و پێتڤیه قایمقام بهێته دانان ل دیف رێكکەفتنه‌كا سیاسى یان ژى كه‌سه‌كێ سه‌ربه‌خۆ پوستێ قایمقامیێ وه‌ربگریت “.
ئاشكرا كر:” شنگال پێتڤی ب پرۆژه‌یێن خزمه‌تگوزارییه و خه‌لكێ شنگالێ گه‌له‌ك زەرەر دیتیە هه‌تا نوكه حكوومه‌تا عێراقێ خه‌لكێ زیانڤیكه‌فتیێن شنگالێ قه‌ره‌بو نه‌كریه له‌ورا ژى یا گرنگه قایمقامێ بهێته دانان”.