قايمقامێ شنگالێ:هه‌تا پرۆژێ جه‌زيره ده‌ست ب كارنه‌بيت كێشه‌يا ئاڤێ چاره‌سه‌رنابيت
سه‌ما
کێشەیا کێمیا ئاڤێ ل پتریا گوند و کۆمەلگەهێن شنگالێ سەرهەلدایە،قايمقامێ شنگالێ ژى ئاشكه‌راكر هه‌تا پرۆژه‌يێ جه‌زيره ده‌ست ب كارنه‌بيت كێشه‌يا ئاڤێ چاره‌سه‌ر نابيت.
پتريا بیر و ژێدەرێن ئاڤێ ل شنگالێ هشکبووینە وخه‌لک ژبه‌ر نه‌بوونا ئاڤێ دنالینیت.
نایف سەیدۆ قایمقامێ شنگالێ ب وەکالەت بۆ (سه‌ما) دياركر؛کێشەیا کێمییا ئاڤێ ل شنگالێ هه‌يه،پتريا بيران هشكبووينه،بتنێ ئێك چاره‌سه‌رى هه‌يه ئه‌و ژى پرۆژێ جه‌زيره يێ ئاڤا شنگال يێ ئێكگرتى بێته بجهئينان بۆ ده‌ڤه‌رێ بێته كێشان.
دا زانين ژى پرۆژێ جه‌زيره يێ ستراتيژى يه و ديزاين و ڤه‌ديتن و نه‌خشه بۆ هاتيه دانان ژلايێ وه‌زاره‌تا ژێده‌رێن ئاڤێ ل به‌غدايێ.
ڤەگەریانا ژمارەکا ئاوارەیان و قوتابيان بۆ شنگالێ و هه‌بوونا زێده‌گاڤيان ل سه‌ر تۆرێن ئاڤێ،بوويه ئه‌گه‌رێ كێمبوونا ئاڤا ڤه‌خوارنێ ل شنگالێ.