وەرزێ گندۆر و شمامۆکا
ئلیاس نعمۆ خەتاری
دناڤا زەڤیەکا پان و درێ———-ژدا
لبن کەپرۆکا قرش و قەمی——-شی
جۆتە جەرکێن خەتاری—–انی بوون
دناڤا رەش رەشکێ دڤەشارتی بوون
**
کچە جوانەکە گوندی بەر وەرز بوو
وەرزڤانا دەم ودەورانا لبن کپرۆکێ
ھاتبوو چنینا شمامۆکا و گن—-دۆرا
ئەڤ کچا ھەنێ شمامۆک چ–ن بوو
**
وەرزێ ساڵێ بوو تژی خێر و بێربوو
زەڤیا مەزن خەملاندی کەس-ک بوو
ژبنێت گندۆر و شمامۆکا تژی—-بوو
ڕێز ب رێز گولێن بەرۆژ———بوون
**
لاتا بنی سێحل و ترۆزی بوو——-ن
دناڤا زەڤیێ——-دا پر گندۆر بوون
خۆخک و شلندر و شمامۆ–ک بوون
گولێن بەرۆژ دگەل رۆژێ دمژولبوون
چیرۆک دنڤیسین دان وستاندن دکرن
**
ئەرێ لۆۆۆ زەڤیا وەرزێ مەزن بوون
خێزان پێکڤە دچۆنە چنی———نێ
دگەل شەبەقێ و سافی بوونا دن-ێ
گندۆرێن تەزی دچنین و دخوااااارن
**
کێڤریشکەکە کچکۆک دخەودا مابوو
لبەر بنا شمامۆک—-ێ یە نڤستی بوو
ھێلینەک زۆر جوان لناڤا بنێت ترۆزیا
چار چوچکێت چاڤ گرت دناڤدابوون
**
تخوم تخوم پر وەرزێت جینارابوون
ھاریکاربوون پاڵە بوون لدەمێ چنینێ
گندۆرەکی زەری ملو—–کی دپەلخاند
ترۆزیەکی تەر ژبنێ ڤەتکر وشۆرد–کر
**
تراراکی ئاڤا جەرکێ تەزی ژێ ڤەتخوار
ھند شمامۆکێن خشکۆک بدەزیڤەتکرن
لبن کەپرۆکێ ب شەقلاڤە گرێدد—-ان
ھندەک ترۆزی ببنێڤە نیشاند——-کرن
**
ئێ تۆڤیبوو بۆ تۆڤی دێندک ھلدگرتن
دناڤا ڤێ زەڤیا وەرزێ خۆش و جواندا
داستانێت عشق و ئەڤینیێ پەیدادبوون
دگەل ئاخێ وتێرکێ و جەرکێت ئاڤێ
**
دگەل کۆمێن جۆرە گندۆرێن خەتارێ
گرنوزی و باب زەر ملوکی و پرتەقالی
کارەکی خۆش وزەڤیەکە کەسکە بۆش
وەرزێ ساڵێ وەرزێ گندۆر و شمامۆکا
