ب هەلکەفتا بیرەوەریا ئەنفالێن دەڤەرا بارزان کو 41 سال ب سەر دا دەربازبوون و ژئەگەرێ وێ هەشت هەزار وه‌لاتیێن بێ گونەهـ و سڤیل ژلایێ رژێما بەعس یا گۆربگۆر ڤە هاتنە قرکرن و بوونە قوربانی و هەتا نهۆ چارەنڤیسێ وان نە یێ دیارە و بێ سەروشوینە کو زۆربەیا وان ئافرەت و زارۆك و پیروکال بوون.
ل 31 ی تیرمەھا ساڵا 1983، ڕژێما گۆڕ و ب گۆڕ ژناڤچوویی ئێک ژ مەزنترین تاوانێن دژی مرۆڤایەتیێ ل دژی خەلکێ سڤیلێ کوردستانێ ئەنجامدا،ئەو ژی تاوانا جینۆسایدکرنا( 8000) بارزانیان بوو، گونەھا وان ئەو بوو کو ئەو کورد و بارزانی بوون،بێگۆمان ئەڤ تاوانا مەزن د هێتە هژمارتن ئێک ژ خەلەکەكێن تیرۆرستی یێن بەردەوام داگیرکەران ل دژی گەلێ کورد بکاردئینا.
بڤێ هەلکەفتا خەمگین زۆر ب توندی ڤێ کارەساتا دلتەزین رسوا و شەرمەزار دکەین و سەرەخۆشیێ ل تەڤایا خێزان و بنەمالێن ڤێ کارەساتا دلتەزین دکەین و داخوازێ ژ ئەزدایێ دلۆڤان دکەین گیانێ وان یێ پاقژ ل بەهشتا بەرین شاد بکەت وسەبرو هەدارێ بدەتە کەسوکارێن وان.
نەمری بۆ گەلێ کوردستانێ و مرن و سەرشۆری بۆ دوژمن و نەحەزان.
ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى/دهۆك
31ى تيرمه‌ها 2024ێ