فورما پێدانا پارچێن ئەردی ل سەر خانەنشینان دێ ئێتە بەلاڤکرن
سه‌ما
رێڤەبەریا گشتی یا خانەنشینیێ ل وەزارەتا دارایی و ئابووری یا حکومەتا هەرێما کوردستانێ،ئاگەهداریا هەموو خانەنشینان دکەت ل رۆژا ئێک شەمبوویا داهاتی دكارن سەرەدانا رێڤەبەریا خانەنشینان ل باژێر و باژارۆکێن هەرێما کوردستانێ بکەن، ب مه‌ره‌ما وه‌رگرتنا فورما پێدانا پارچێن ئەردی .
رۆژا چارشه‌مبوويێ 24ى تيرمه‌ها 2024ێ،رێڤەبەریا گشتی یا خانەنشینیێ ل وەزارەتا دارایی و ئابووری راگه‌هاندنه‌ك به‌لاڤكر و تێدا هاتيه،ئاگەهداریا هەموو خانەنشینان دکەین ل رۆژا ئێک شەمبوویا داهاتی 28/7/2024 دكارن سەرەدانا رێڤەبەریا خانەنشینان ل باژێر و باژارۆکێن هەرێما کوردستانێ بکەن ب مەرەما وەرگرتنا فۆرما بەلاڤکرنا پارچێن ئەردی.
رێڤەبەریا گشتی یا خانەنشینیێ ئاماژه كر، فۆرم بتنێ وان خانەنشینا ب خوەڤە دگریت یێن کو د ژیانێ دا ماین،هه‌روه‌سا بتنێ ئەو خانەنشین دكارن فۆرما وەرگرتنا پارچێن ئەردی پڕ بکەن یێن کو بەری نوکە ب هیچ شێوەیەکی مفادار نەبیت ژ وەرگرتنا پارچا ئەردی.