ل سه‌ر فه‌رمانا مەسرور بارزانی،سەرۆکێ حکومەتا هەرێمێ خانيه‌ك بۆ داى شه‌مێ هاته دابينكرن
سەم
گرنگیدان ب باشكرنا ره‌وشا خێزانێن شه‌هیدا، ئیرۆ رۆژا چارشەمبوویێ 24ی تیرمه‌ها2024 ێ، درێ وسمه‌كێ تایبه‌ت دا به‌رێزان د.عه‌لى ته‌ته‌ر پارێزگارێ دهۆكێ ود. نه‌وزاد عبدالله به‌رپرسێ لقێ ئێك ونازم هه‌ركى به‌رپرسێ لقێ 17 واسماعیل محمد ده‌ڤه‌ردارێ دهۆكێ وسه‌عید جردوو سه‌روكێ بنگه‌هێ لالش پێشوازیا (داى شه‌مێ) و كه‌س وكارێن ل گه‌لدا كر ۆ ماڵا وان ژكه‌مپا چه‌م مشكوو بۆ خانیێ وێ یێ نوو ل ناڤ سه‌نته‌رێ باژێرێ دهۆكێ هاتنه ڤه‌گوهاستن.
پارێزگارێ دهۆكێ دپه‌یڤه‌كێدا بناڤێ سه‌روكێ حكومه‌تا هه‌رێما كوردستانێ بخێرهاتنا داى شه‌مێ وخێزانا وان كر وگوت: ئه‌ڤرۆ جهێ ژیانا وان ژ كه‌مپا چه‌م مشكوو بۆ باژێرێ دهۆكێ هاته ڤه‌گوهاستن ول سه‌ر فه‌رمانا به‌رێز مه‌سرور بارزانى سه‌روكێ حكومه‌تا هه‌رێما كوردستانێ خانییه‌ك بۆ هاتیه دابینكرن وداخازا خێر وخوشیێ بۆ وان ل جهێ نوو كر.
ژلایێ خوڤه داى شه‌مێ سوپاسیا سه‌روكێ حكومه‌تێ كر كۆ ئه‌ڤ گرنگییه ب خێزانا وان هاتیه دان وهیڤى خاستن كۆ هه‌موو ره‌ڤاندیێن ئێزدیان بهێنه ئازادكرن وروفاتێن قوربانیا بهێنه دیتن.
هه‌ژى گوتنێ یه ل سه‌ر فه‌رمانا به‌رێز مه‌سرور بارزانى سه‌روكێ حكومه‌تا هه‌رێما كوردستانێ خانییه‌ك دگه‌ل ناڤ مالیێ بۆ داى شه‌مێ وخێزانا وێ هاتیه دابینكرن.
داى شه‌مێ ئه‌و ئافره‌ته كۆ ل ساڵا 2014ێ (33) كه‌س ژكوروونه‌ڤى وكه‌س وكارێن وێ بده‌ستێن تیرورستێن داعش هاتینه شه‌هیدكرن وبویه سونبولا هه‌موو ملله‌تێ كورد.
