ل بنگه‌هێ لالش دانوستاندن ل دۆر پاشه‌رۆژا ئێزديان هاته كرن
سه‌ما
ل ئێڤارييا ئيرۆ 18ى تيرمه‌ها 2024ێ،ل بنگه‌هێ لالش ل دهۆكێ،دچارچۆڤێ پێنج شه‌ما ڕه‌وشه‌نبيرى دا،دانوستاندنه‌كا ڤه‌كرى ل دۆر پاشه‌رۆژا ئێزديان دجڤاكێ كوردستانى دا ب ڕێڤه‌چوو.
ب ئاماده‌بوونا چه‌ندين ئه‌كاديمى و نڤيسه‌ر وڤه‌كۆله‌ر و كه‌سايه‌تيێن جڤاكى و مامۆستا و ڕه‌وشه‌نبيران، دانوستاندنه‌كا ڤه‌كرى ل دۆر پاشه‌رۆژا ئێزديان دجڤاكێ كوردستانى دا بۆ نڤيسه‌ر و رۆناكبير “گوهدار عه‌لى جۆقى” هاته سازكرن.
دڤێ ڕوونشتنێ دا نڤيسه‌رى ب درێژى باس ل پاشه‌رۆژا ئێزديان دجڤاكێ كوردستانى دا كر و خواست ئێزدى دڤێ قۆناغێ دا پتر ئێكگرتى بن و ناڤماليا خۆ ڕێكبێخن و نه‌خشه ڕێيه‌كێ بۆ چاره‌كرنا كێشه و ئاريشه‌يێن خۆ بدانن و ئاينده‌يه‌كێ گه‌ش بۆ گه‌نجێن ئێزديان ل هه‌رێما كوردستانێ په‌يدا بكه‌ن.
لدووڤدا ده‌رگه‌هێ گه‌نگه‌شێ دناڤبه‌را ئاماده‌بوويان دا هاته ڤه‌كرن و چه‌ندين پرسيار و بير و بۆچۆن ئاراسته كرن و ژلايێ گوهدار عه‌لى به‌رسڤ ل سه‌ر هه‌موويان هاته دان.
بنگه‌هێ لالش وه‌ك به‌رنامه‌كێ دارشتى ل هه‌موو ڕۆژێن پێنج شه‌ما دانوستاندنه‌كا ڤه‌كرى ل دۆر مژارێن جودا جودا يێن گرێدايى ب ره‌وشا ئێزديان ئه‌نجام دده‌ت.
