کەڤالێن گۆریا ئاگرێ دوریێ
دلدار محه‌مه‌د
1
هەکو چویی ژ من پرسی
تۆ پێدڤی چ نینی ؟
چەند پرسیارەکا بێ رامان بوو
هێشتا نەزانی یە
یا ئەز پێدڤی و من ژیێ خۆ گۆری کری ، بتنێ نەچوون بوو !
ـــــــــــــــــــــــــــــــــــــــــــ
2
پشتی چەند سالان چەند ب ژان بوو ، هەکو من دیتی میێن سەرێ وێ وەکی رەنگێ دلێ منن
من دلنەدا ببێژمێ :چوونێ دلێ من ژی وەک دێمێ تە قورمچاند
ـــــــــــــــــــــــــــــــــــــــــــــــ
3
وەک دوو دارێن سۆتی یێن دارستانەکا پەریشان ددەستێن ئاگرەکێ دژواردا ژیانێ دووبارە ئەم ل بەرامبەر ئێک راوستاندین ،
ژیان دێ کەنگی دژاوریێ ژ فەرهەنگا ئاگرێ دوریێ ئینیەدەر؟
ـــــــــــــــــــــــــــــــــــــــــــــــــ
4
ژ من نەپرسە ، تۆ چاوانی ؟ ئەڤ پرسیارە ژ مریێەکێ گۆرستانێ یا بێ رامانە
ئایی! گۆرێ دوریێ چەند یێ تەنگ و تاڕیی یه !