سه‌ما
ل رۆژا پێنج شەمبوويێ 15ى تەباخا 2024ێ، ل سەلاحەددین سەرۆك مەسعود بارزانى پێشوازى ل بستیڤ بیتنەر كونسۆلێ گشتیێ نوو یێ ئەمریكا ل هەولێرێ كر.
د دیدارێ دا كو مارك سترۆ كونسۆلێ گشتیێ بەرێ یێ ئەمریكا ل هەولێرێ ئامادە بوو، سەرۆك بارزانى پێشوازى ل كونسۆلێ نوو یێ ئەمریكا كر و هیڤیا سەركەفتنێ ژێ را خواست و هەروەسا سوپاسیا رۆلێ كونسۆلێ گشتیێ بەرێ یێ ئەمریكا كر د پێشڤەبرنا پەیوەندى و هەماهەنگیێن د ناڤبەرا هەرێما كوردستانێ و ئەمریكا دا.
هه‌روه‌سا سەرۆك بارزانى سوپاسى و پێزانینێن خوە ئاراستەى گەل و حكومەتا ئەمریكا كر كو د قۆناغێن جۆراوجۆر دا پشتەڤانیا گەلێ كوردستانێ كرینە ب تایبەت د دامەزراندنا دەڤەرا دژە فرین بۆ كوردستانێ پشتى راپەرینا خەلكێ كوردستانێ ل 1991ێ و روخاندنا رژێما بەرێ یا عیراقێ ل 2003ێ و هەروەسا هاریكاریا هەرێما كوردستانێ و عیراقێ د شەرێ دژى تیرۆرێ دا.
دپشكه‌كا دى يا ديدارێ دا، بیر و را ل سەر هەلبژارتنێن داهاتى یێن هەرێما كوردستانێ و دوماهیك سەرەدانا سەرۆك بارزانى بۆ بەغدا و پەیوەندیێن د ناڤبەرا هەرێما كوردستانێ و حكومەتا عیراقا فیدرال و رەوشا سیاسى یا عیراقێ و دەڤەرێ هاتنە لێكگوهۆرین.