سه‌ما
سوپایێ ئه‌مریكا راگه‌هاند، پشتی كو لۆید ئۆستین وه‌زیرێ به‌رگریێ ئه‌مریكا فه‌رمان دا هێزێن ده‌ریایی دا گاڤێن خۆ بۆ ده‌ڤه‌رێ بله‌ز تر بكه‌ن، كه‌شتیا فڕۆكه هه‌لگر یا یو ئێس ئێس ئه‌براهام لینكۆڵن و چه‌ند فڕۆكێن شه‌ڕی گه‌هشتنه رۆژهه‌لاتا ناڤین.
ئه‌ڤێ یه‌كێ ژی مه‌ترسیێن به‌لاڤبوونا شه‌ڕی و ئالۆزیان و پێكدادانێن له‌شكه‌ری ل ده‌ڤه‌رێ زێده‌تر دكه‌ت.
فه‌رماندارێ فه‌رماندارییا هێزێن ئه‌مریكا ئاماژه دایێ كو كه‌شتیا فڕۆكه هه‌لگر یا یو ئێس ئێس ئه‌براهام لینكۆڵن كو فڕۆكێن شه‌ڕی یێن ئێف 35 و چه‌ند فڕۆكێن دی یێن شه‌ڕی هه‌لگرتینه گه‌هشته سنوورێ ده‌سته‌لاتا فه‌رماندارییێ ل ده‌ڤه‌رێ دا.
ده‌ستپێكا ڤێ هه‌یڤێ وه‌زیرێ به‌رگريا ئه‌مریكا ژبۆ پشته‌ڤانیا ئیسرائیلێ و پاراستنا ده‌ڤه‌رێ بڕیار دا له‌زێ بكه‌ن ل لڤاندنا كه‌شتیا فڕۆكه هه‌لگر یا لینكۆڵن بۆ رۆژهه‌لاتا ناڤین.