سه‌ما
لویس سوارێز، هێرشبەرێ یانەیا ئینتەرمیامی، دەستبەردانا خۆ ژ یاریێن نێڤدەولەتی دگەل هەلبژارتیا ئۆرۆگوای ڕاگەهاند.
یاریزانێ 37 سالی دێ ڕۆژا ئینیا بێت 143مین و داوی یاریا خۆ دگەل هەلبژارتیێ ئۆرۆگوای ئەنجام دەت و داویێ ب ژیانەکا وەرزشی یا بەرچاڤ و پڕ سەرکەفتن ئینت، کو د وی ماوەیدا بوویە گۆلکەرێ دیرۆکی یێ هەلبژارتی.
سوارێز د کۆنگرەیەكێ ڕۆژنامەڤانی دا ل یاریگەها سێنتێناریۆ ل باژێرێ مۆنتیڤیدۆ پایتەختێ ئۆرۆگوای، دەستبەردانا خۆ یا نێڤدەولەتی ل داویا یاریا پاراگوای ل ڕۆژا ئینیا بێت ڕاگەهاند، کو ب وێ یاریێ داویێ خاترا خۆ دخوازت.
سوارێز گۆت: “یاریا پاراگوای دێ بتە داوی یاریا من دگەل هەلبژارتیێ نیشتمانی، ئەڤە تشتەکە کو من هزركريه و شرۆڤە کریە، ب باوەریا من ئەڤە دەمەکێ گونجایە.”