سه‌ما
موه‌فه‌ق حسێن ئه‌ندامێ لژنه‌یا ئابوورى ل په‌رله‌مانێ عیراقێ ڕاگه‌هاند، وه‌زاره‌تا پیشه‌سازی 106 هزار فه‌رمانبه‌ر هه‌نه، 40 هزار ژ وان د دروستن، 66 هزار ژى كار ناكه‌ن و دبێ به‌رهه‌من، ئانكو ( بندیوارن ).
ل دووڤ ده‌زگه‌هێ ئامارێن عیراقێ، ژماره‌یا وان فه‌رمانبه‌رێن ل كه‌رتێ حكومى كاردكه‌ن،1.032 ملیۆن فه‌رمانبه‌رن، نیڤا وان سه‌ر ب وه‌زاره‌تا ناڤخۆڤه كو دبنه 556 هزار كارمه‌ند، وه‌زاره‌تا په‌ترۆلا عیراقێ ل ڕیزا دووێ دهێت كو 125 هزار فه‌مانبه‌ر هه‌نه، ژماره‌یا فه‌رمانبه‌رێن وه‌زاره‌تا په‌روه‌ردێ و خواندنا بلند ژى 98 هزار فه‌رمانبه‌رن.
ل دووڤ ڤه‌كۆلینه‌كێ، ب هزاران ژ فه‌رمانبه‌رێن عیراقێ د نه‌خواندڤانن، ڕێژه‌یا ژنان ژى 34%ێ یه و ب تنێ 3%ێ یا وان باوه‌رنامه‌یا ماسته‌رێ هه‌یه.
هه‌روه‌سا نێزیكى 310 هزار سه‌ربازان د له‌شكه‌رێ عیراقێدا هه‌نه، نێزیكى 125 هزار ژ وان ئه‌ندامێن حه‌شدا شه‌عبینه، دگه‌ل ڤان سه‌رباز و ئه‌ندامێن حه‌شدا شه‌عبى، سه‌رجه‌مێ گشتییێ فه‌رمانبه‌رێن حكومه‌تا عیراقێ دگه‌هیته 1.7 ملیۆن فه‌رمانبه‌ران.